ବଢ଼ୁଛି ଟେରାକୋଟା ରାକ୍ଷୀର ଚାହିଦା
କେନ୍ଦ୍ରାପଡ଼ା: ଆସୁଛି ରାକ୍ଷୀ ପୂର୍ଣ୍ଣିମା । ଭଳି କି ଭଳି ରାକ୍ଷୀ ପ୍ରସ୍ତୁତ କରୁଛନ୍ତି ମହିଳା । କେନ୍ଦ୍ରାପଡ଼ା ମାର୍ଶାଘାଇ ଓ ମହାକାଳପଡ଼ା ବ୍ଲକ୍ର ମିଶନ ଶକ୍ତି ମହିଳା ମିଶି ପ୍ରସ୍ତୁତ କରିଛନ୍ତି ଟେରାକୋଟା ଏବଂ କାଇଁଚ ରାକ୍ଷୀ। ୧୦ ଟଙ୍କାରୁ ୨୫ ଟଙ୍କା ପର୍ଯ୍ୟନ୍ତ ରହିଛି ରାକ୍ଷୀର ଦାମ୍ । ପରିବେଶ ଅନୁକୂଳ ଏହି ରାକ୍ଷୀ ନେବାକୁ ଲୋକଙ୍କ ଭିଡ । ରାକ୍ଷୀ ବଜାରରେ ସାମିଲ ହୋଇଛି ଟେରାକୋଟା ଏବଂ କାଇଁଚ ରାକ୍ଷୀ । ଫ୍ୟାନସି ରାକ୍ଷୀ ଭଳି ସୁନ୍ଦର ଦିଶିବା ସହ ଏହି ରାକ୍ଷୀ ପରିବେଶ ଅନୁକୂଳ । ମାଟିକୁ ପୋଡି ଟେରାକୋଟା ରାକ୍ଷୀ ପ୍ରସ୍ତୁତ କରୁଛନ୍ତି କେନ୍ଦ୍ରାପଡ଼ା ମାର୍ଶାଘାଇ ଓ ମହାକାଳପଡ଼ା ବ୍ଲକ୍ର ମିଶନ ଶକ୍ତି ମହିଳାମାନେ। ମାଟିରେ, ଜଗନ୍ନାଥ, ଗଣେଶ ସ୍ୱସ୍ତିକ ଠାରୁ ଆରମ୍ଭ କରି ବିଭିନ୍ନ ଡିଜାଇନର ରାକ୍ଷୀ ପ୍ରସ୍ତୁତ କରୁଛନ୍ତି ଏମାନେ । ୧୦ ଟଙ୍କାରୁ ୨୫ ଟଙ୍କା ପର୍ଯ୍ୟନ୍ତ ରହିଛି ରାକ୍ଷୀର ଦାମ୍ । ସୁନ୍ଦର ରାକ୍ଷୀକୁ ନେବାକୁ ଲୋକମାନେ ମଧ୍ୟ ଆଗ୍ରହ ପ୍ରକାଶ କରୁଛନ୍ତି ।
ସେହିଭଳି ପୂର୍ବରୁ କେନ୍ଦ୍ରାପଡ଼ାରେ କାଇଁଚରୁ ପ୍ରସ୍ତୁତି ହେଉଥିଲା ରାକ୍ଷୀ । ଏବର୍ଷ ମଧ୍ୟ କାଇଁଚ ରାକ୍ଷୀ ପ୍ରସ୍ତୁତ କରିଛନ୍ତି ମହିଳା । ଷ୍ଟୋନରେ ସଜେଇ ପ୍ରସ୍ତୁତ ହଉଥିବା କାଇଁଚ ରାକ୍ଷୀର ମଧ୍ୟ ବଜାରରେ ଭଲ ଚାହିଦା ରହିଛି। ଏହି ରାକ୍ଷୀ ପରିବେଶ ପାଇଁ ଅନୁକୂଳ ହୋଇଥିବା ବେଳେ ସୁନ୍ଦର ମଧ୍ୟ୍ୟ ଦେଖାଯାଉଛି। ଗୋଟିଏ ଷ୍ଟଲରେ ଉଭୟ କଇଁଚ ଓ ଟେରାକୋଟା ରାକ୍ଷୀ ମନ ମୋହୁଛି । ୭ଟି ଉତ୍ପାଦକ ଗୋଷ୍ଠୀକୁ ଏଥିପାଇଁ ନିୟୋଜିତ କରାଯାଇଛି। ଯେଉଁଥିରେ ପ୍ରାୟ ୩୫ଟି ସ୍ୱୟଂ ସହାୟକ ଗୋଷ୍ଠୀର ଶତାଧିକ ମହିଳା କାରିଗର ଏହି କାମରେ ଲାଗି ପଡ଼ିଛନ୍ତି।
