ଦିଲ୍ଲୀରେ ପୁଣିଥରେ ଅଡ୍-ଇଭିନ୍ ଫର୍ମୁଲା । କଣ କହିଲେ କେଜରିଓ୍ୱାଲ୍ ?

ନୂଆଦିଲ୍ଲୀ : ଦିଲ୍ଲୀର ଆକାଶ ନିର୍ମଳ ଦିଶିଲାଣି । ଆଉ ଆକାଶରେ ଧୂଆଁ ନାହିଁ । ସାମ୍ୱାଦିକ ସମ୍ମିଳନୀରେ କିଛି ଏଭଳି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀଓ୍ୱାଲ । ବାୟୁ ପ୍ରଦୂଷଣକୁ ନେଇ ଦିଲ୍ଲୀ ବେହାଲ୍ ଥିବା ବେଳେ ମୁଖ୍ୟମନ୍ତ୍ରୀଙ୍କ ଉତ୍ତର ଉପସ୍ଥିତ ଗଣମାଧ୍ୟମ ପ୍ରତିନିଧିଙ୍କୁ ଚକିତ କରିଥିଲା ।

ଦିଲ୍ଲୀରେ ନଭେମ୍ୱର ୪ରୁ ଲାଗୁ ହୋଇଥିବା ଅଡ୍ ଇଭିନ୍ ଫର୍ମୁଲା ଗତକାଲି ଶେଷ ହୋଇଥିଲା । ଏହାପରେ ଦିଲ୍ଲୀ ସରକାର ପୁଣିଥରେ ଏଭଳି ଫର୍ମୁଲା ଲାଗୁ କରିବେ ନାହିଁ ସେ ନେଇ ଦ୍ୱନ୍ଦରେ ଥିଲେ ଦିଲ୍ଲୀବାସୀ । ଏବେ କେଜରୀଓ୍ୱାଲ ଏଭଳି ଏକ ସନ୍ଦେହକୁ ଦୂର କରିଛନ୍ତି । ଆଉ ଏବେ ଅଡ୍-ଇଭିନ୍ ଲାଗୁହେବାର ନାହିଁ ବୋଲି ସ୍ପଷ୍ଟ କରିଛନ୍ତି ।

କିଛିଦିନ ତଳେ ଦିଲ୍ଲୀ ସରକାରଙ୍କ ଏଭଳି ଫର୍ମୁଲା ଲାଗୁକୁ ସମାଲୋଚନା କରିଥିଲେ ସୁପ୍ରିମକୋର୍ଟ । କହିଥିଲେ ଫାର୍ସ ଲଗାଇଛନ୍ତି ସରକାର । କଣ ସୁଫଳ ମିଳୁଛି ଜଣାଇବାକୁ ନିର୍ଦ୍ଦେଶ ମଧ୍ୟ ଦେଇଥିଲେ ? ଏବେ ଅଡ୍ ଇଭିନ୍ ଫର୍ମୁଲା ଲାଗୁ ନହେବା ନେଇ ଘୋଷଣା ହେବା ପରେ ଦିଲ୍ଲୀବାସୀ କିଛିଟା ଆସ୍ୱସ୍ତ ହୋଇଛନ୍ତି । ')}