ମହାରାଷ୍ଟ୍ରରେ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ହୁଙ୍କାର
ମୁମ୍ବାଇ: ସ୍ବାଧୀନତାର ୭୫ ବର୍ଷ ପରେ ବର୍ତ୍ତମାନ କୃଷକମାନେ ଦେଶର ନେତୃତ୍ବ ନେବାର ଆବଶ୍ୟକତା ରହିଛି । ମହାରାଷ୍ଟ୍ର ନାନ୍ଦେନରେ ଭାରତ ରାଷ୍ଟ୍ର ସମିତିର ରାଲିରେ ଏହା କହିଛନ୍ତି ଦଳର ସୁପ୍ରିମୋ ତଥା ତେଲଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ । ନାନ୍ଦେଦରେ ତେଲଗୁ ଭାଷାଭାଷୀ ଲୋକଙ୍କ ସଂଖ୍ୟା ଅଧିକ ଥିବାରୁ କେସିଆର ଏଠାରେ ଦଳର ପ୍ରାଧାନ୍ୟ ବିସ୍ତାର କରିବାକୁ ଲକ୍ଷ୍ୟ ରଖିଛନ୍ତି ।
ଏଠାକାର ବାସିନ୍ଦା ତେଲଙ୍ଗାନାରେ ମିଶିବା ଲାଗି ବି ସ୍ବର ଉଠାଇଛନ୍ତି । ଭାରତ ରାଷ୍ଟ୍ର ସମିତିକୁ ଜାତୀୟ ଦଳ ମାନ୍ୟତା ଲାଭ କରିବାକୁ ହେଲେ ଏହି ଦଳ ଅତିକମରେ ୪ଟି ରାଜ୍ୟରେ ରାଜ୍ୟସ୍ତରୀୟ ମାନ୍ୟତା ଲାଭ କରିଥିବା ଆବଶ୍ୟକ । କିମ୍ବା କୌଣସି ୪ ରାଜ୍ୟରେ ଓ ୪ଟି ଲୋକସଭା ଆସନରେ ୬ ପ୍ରତିଶତ ଭୋଟ ହାସଲ କରିଥିବା ଦରକାର । କିମ୍ବା ଅତିକମରେ ୩ଟି ରାଜ୍ୟରେ ୨ ପ୍ରତିଶତ ଲୋକସଭା ଆସନ ଅର୍ଥାତ ୧୧ଟି ଆସନରେ ବିଜୟୀ ହୋଇଥିବା ଦରକାର ।
