୧୫ ବର୍ଷ ହେବ ସ୍ତ୍ରୀର ସେଇ ସମାନ ମୁହଁ ଦେଖୁଛି ଟଙ୍କା ଜିତିଲେ ଏମିତି କରିବି…

ମୁମ୍ବାଇ: କୌନ ବନେଗା କରୋଡ଼ପତି ସେଟରେ କୋଟିପତି ହେବା ଆସାରେ ବିଭିନ୍ନ ପ୍ରକାରର ପ୍ରତିଯୋଗୀ ଆସନ୍ତି । ଏବଂ ଏମାନେ କେବିସି ଖେଳିବା ସହିତ ଅମିତାଭ ବଚ୍ଚନଙ୍କ ସହ ନିଜର ଜୀବନର କିଛି ବିଶେଷ ମୁହୂର୍ତ୍ତ ବିଷୟରେ ସେମାନଙ୍କ ଅନୁଭୁତି ବାଣ୍ଟିଥାନ୍ତି ।  ନିକଟରେ ମଧ୍ୟପ୍ରଦେଶର ଖଣ୍ଡୱା ସହରର କୌଶଲେନ୍ଦ୍ର ସିଂ ତୋମାର ଏହି ଶୋ’ରେ ଭାଗ ନେଇଥିଲେ। ଖେଳ ସମୟରେ, ବିଗ୍ ବି ର ସବୁ ବେଳେ ପ୍ରତିଯୋଗୀମାନଙ୍କୁ ଗୋଟିଏ ପ୍ରଶ୍ନ ପଚାରି ଥାନ୍ତି । ଆପଣ ଏହି ଜିତିଥିବା ଟଙ୍କାରେ କଣ କରିବେ ? ଏହି ଧାରାର ଯେତେବେଳେ ଅମିତାଭ ବଚ୍ଚନ କୌଶଲେନ୍ଦ୍ରଙ୍କୁ ଏହି ପ୍ରଶ୍ନ ପଚାରିଥିଲେ, ସେତେବେଳେ ଅମିତାଭ ବଚ୍ଚନ ତାଙ୍କ ଉତ୍ତର ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ।

ଅମିତାଭ ବଚ୍ଚନଙ୍କ ପ୍ରଶ୍ନର ଉତ୍ତରରେ କୌଶଲେନ୍ଦ୍ର କହିଥିଲେ ଯେ, ଏହି ଟଙ୍କାରେ ପ୍ରଥମେ ସେ ତାଙ୍କ ପତ୍ନୀଙ୍କ ପ୍ଲାଷ୍ଟିକ୍ ସର୍ଜରୀ କରିବେ। ଏହି ଉତ୍ତର ଶୁଣି ଅମିତାଭ ବଚ୍ଚନ ଆଶ୍ଚର୍ଯ୍ୟ ହୋଇଯାଇଥିଲେ । ଯେତେବେଳେ ସେ ଏହାର କାରଣ ପଚାରିଥିଲେ, କୌଶଲେନ୍ଦ୍ର କହିଥିଲେ ଯେ ୧୫ବର୍ଷରୁ ସେ ଗୋଟିଏ ଚେହେରା ଦେଖୁଛି , ତେଣୁ ସେ ପ୍ଲାଷ୍ଟିକ୍ ସର୍ଜରୀ ମାଧ୍ୟମରେ ନିଜ ପତ୍ନୀଙ୍କ ଚେହେରା ବଦଳାଇବାକୁ ଚାହୁଁଛନ୍ତି ଯାହାଦ୍ୱାରା କିଛି ନୂଆ ଲାଗିବ । । ଏହା ଉପରେ ଅମିତାଭ ତୁରନ୍ତ ପ୍ରତିଯୋଗୀଙ୍କ ପତ୍ନୀଙ୍କୁ କହିଥିଲେ, ଆପଣ ବହୁତ ସୁନ୍ଦର କେବେ ବି ଆପଣ ଏମିତି କରିବେ ନାହିଁ । କାରଣ ପ୍ଲାଷ୍ଟିକ୍ ସର୍ଜରୀ ପରେ ଚେହେରା ବହୁତ ଖରାପ ହୋଇଯାଏ ।

ଜିତିଲେ ମାତ୍ର ୪୦ ହଜାର

ଅମିତାଭଙ୍କ କଥା ଶୁଣି କୌଶଲେନ୍ଦ୍ରଙ୍କ ପତ୍ନୀ ହଁ କହିଥିଲେ ଏବଂ କୌଶଲେନ୍ଦ୍ର ମଧ୍ୟ କହିଥିଲେ ଯେ, ସେ ଏମିତି କେବେ ବି କରିବେନି ସେ ଥଟ୍ଟା କରୁଥିଲେ । ତେବେ କୌଶଲେନ୍ଦ୍ର ସିଂ ତୋମାର ତାଙ୍କ ଖେଳକୁ ଅଧିକ ଆଗକୁ ନେଇପାରି ନଥିଲେ । ସେ ମାତ୍ର ୪୦ ହଜାର ଟଙ୍କା ଜିତିପାରିଥିଲେ । ସେ ଏକ କ୍ରୀଡା ସମ୍ବନ୍ଧୀୟ ପ୍ରଶ୍ନର ଉତ୍ତର ଦେବାରେ ବିଫଳ ହୋଇଥିଲେ । ଏବଂ ସେ ୩ଟି ଲାଇଫ୍ ଲାଇନ୍ ନେଇଥିଲେ କିନ୍ତୁ ସେଗୁଡ଼ିକ ବ୍ୟର୍ଥରେ ଯାଇଥିଲା । ଏଠାରେ ସୂଚନା ଯୋଗ୍ୟ ଯେ, କରୋନା ସମୟରେ କୌନ ବନେଗା କରୋଡ଼ ପତି ଶୋ ଟି ଅନେକ ନିୟମାବଳୀକୁ ଅନୁସରଣ କରାଯାଇ ସୁଟିଂ କରାଯାଉଛି ।