କାଟ୍ରିନା-ଭିକି ବାହାଘରକୁ ସୁରକ୍ଷା ଦେବେ ୧୦୦ ବାଉନ୍ସର

ନୂଆଦିଲ୍ଲୀ: ବଲିଉଡ ଅଭିନେତା ଭିକି କୌଶଲ ଓ ଅଭିନେତ୍ରୀ କାଟ୍ରିନା କୈଫଙ୍କ ବିବାହ ପାଇଁ ପ୍ରସ୍ତୁତି ଜୋରସୋରରେ ଚାଲିଛି । ଡିସେମ୍ବରରେ ଏହି ଦୁଇ ବଲିଉଡ ତାରକା ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏଥିପାଇଁ ହୋଟେଲ ସିକ୍ସ୍ ସେନସ୍ ମଧ୍ୟ ପୂରା ପ୍ରସ୍ତୁତ ହୋଇସାରିଛି । ବିବାହ ଦାୟିତ୍ବ ପାଇଁ ୬ଟି ଭିନ୍ନ ଭିନ୍ନ ମ୍ୟାନେଜମେଣ୍ଟ ସଂସ୍ଥାକୁ ଦାୟିତ୍ବ ଦିଆଯାଇଛି । ଏହି ମ୍ୟାନେଜମେଣ୍ଟ ସଂସ୍ଥା ଫୁଲ ସଜ୍ଜା, ଡେକୋରେସନ, ଯୋଗାଯୋଗ, ସୁରକ୍ଷା, ଖାଦ୍ୟ ଏବଂ ଜଙ୍ଗଲ ସଫାରୀ ପରିଚାଳନା କରିବେ।

ଯଦି ଆମେ ସୁରକ୍ଷା କଥା କହିବା ତାହାଲେ ଡିସେମ୍ବର ୫ରେ ୧୦୦ ବାଉନ୍ସର ଜୟପୁରରୁ ମାଧେପୁର ଆସିବେ । ଏହି ୧୦୦ ବାଉନ୍ସରଙ୍କ ପାଇଁ ମୀନା ଧର୍ମଶାଳା ବୁକ୍ କରାଯାଇଛି । ଏହି ୧୦୦ ବାଉନ୍ସରଙ୍କ ବ୍ୟତୀତ ସୁରକ୍ଷା ପାଇଁ ରାଜସ୍ଥାନ ପୋଲିସ ମଧ୍ୟ ସ୍ବତନ୍ତ୍ର ବ୍ୟବସ୍ଥା କରିଛି । ଭିଆଇପି ଅତିଥିଙ୍କ ପାଇଁ ରାଜସ୍ଥାନ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କରାଯାଇଛି ।

ଭିକି ଓ କାଟ୍ରିନାଙ୍କ ବିବାହରେ ପ୍ରଥମ କନଫର୍ମ ଅତିଥି ହେଉଛନ୍ତି ନିର୍ଦ୍ଦେଶକ ଶଶାଙ୍କ ଖଇତାନ । ଭିକିଙ୍କ ଆଗାମୀ ଚଳଚ୍ଚିତ୍ର ‘ଗୋବିନ୍ଦା ମେରା ନାମ୍’ ର ନିର୍ଦ୍ଦେଶକ ହେଉଛନ୍ତି ଶଶାଙ୍କ । ସୂଚନା ଅନୁସାରେ ଏହି ବାହାଘରରେ ଯୋଗ ଦେଉଥିବା ଅତିଥିଙ୍କ ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଛି । ବାହାଘରରେ ଯୋଗ ଦେଉଥିବା ଅତିଥିଙ୍କ ପାଇଁ ଗାଡିର ମଧ୍ୟ ଆଗୁଆ ବୁକିଂ ହୋଇସାରିଥିବା ସୂଚନା ମିଳିଛି ।

ବିବାହର ପୋଷାକ କଥା ଯଦି କହିବା ତାହାଲେ କାଟ୍ରିନା କୈଫ ମେହେନ୍ଦିରେ ଅବୁ ଜାନୀଙ୍କ ଦ୍ବାରା ଡିଜାଇନ କରାଯାଇଥିବା ଆଉଟଫିଟ୍ ପିନ୍ଧିବେ । ସେହିପରି ସଙ୍ଗୀତରେ ମନୀଷ ମଲହୋତ୍ରାଙ୍କ ଦ୍ବାରା ଡିଜାଇନ ହୋଇଥିବା ପୋଷାକ ଏବଂ ରିସେପସନରେ ଗୁଚିଙ୍କ ଦ୍ବାରା ଡିଜାଇନ କରାଯାଇଥିବା ପୋଷାକ ପିନ୍ଧିବେ । ସେହିପରି ଭାବରେ ଭିକି କୌଶଲ ମେହେନ୍ଦି ଓ ସଙ୍ଗୀତରେ କୁନାଲ ରାଓ୍ବଲ ଏବଂ ରାଘବେନ୍ଦ୍ର ରାଠେରଙ୍କ ଦ୍ବାରା ଡିଜାଇନ୍ ହୋଇଥିବା ପୋଷାକ ପିନ୍ଧିବେ ।