କାଠଯୋଡ଼ି ନଦୀରେ କୁମ୍ଭୀର ଆତଙ୍କ

ନନ୍ଦିଘୋଷ ବ୍ୟୁରୋ: କଟକ ବାରଙ୍ଗ ଥାନା ଥାନା ତ୍ରିଶୂଳିଆ ନିକଟସ୍ଥ କାଠଯୋଡ଼ି ନଦୀରେ କୁମ୍ଭୀର ଆତଙ୍କ। କୁମ୍ଭୀରକୁ ନେଇ ସ୍ଥାନୀୟ ଲୋକେ ଆତଙ୍କିତ ହୋଇପଡିଛନ୍ତି। କୁମ୍ଭୀର ଟିର ଲମ୍ବ ପ୍ରାୟ ୧୦ ରୁ ୧୨ ପୁଟ ଅନୁମାନ କରାଯାଉଥିବା ବେଳେ କୁମ୍ଭୀରଟି କାଠଯୋଡ଼ି ନଦୀ ପଠାରେ ଶୋଇଥିବା ଦେଖିବାକୁ ମିଳିଛି। ପୂର୍ବରୁ ମହାନଦୀର ଧବଳେଶ୍ବର ଓ  ସିଡ଼ିଏ ଅଞ୍ଚଳରେ ଦେଖାଦେଇଥିବା ବେଳେ ଏବେ ବନ୍ୟା ପାଣିରେ କାଠଯୋଡ଼ିକୁ ଚାଲି ଆସିଥିବା ଆଶଂକା କରାଯାଉଛି। କାଠଯୋଡ଼ି ନଦୀରେ କୁମ୍ଭୀରେ ଦେଖି ସ୍ଥାନୀୟ ଲୋକେ ଭୟଭୀତ ଥିବାବେଳେ କୁମ୍ଭୀର ଦେଖିବାକୁ ସୁଭାଷ ସେତୁରେ ଲୋକଙ୍କ ଭିଡ଼ ଜମିଛି ।