କାଶ୍ମୀରରେ ପୁଣି ଟାର୍ଗେଟ କିଲିଂ, ପୁଣି କାଶ୍ମୀରୀ ପଣ୍ଡିତଙ୍କୁ ଗୁଳି କରି ହତ୍ୟା

ଜମ୍ମୁ-କାଶ୍ମୀର: କାଶ୍ମୀରରେ ପୁଣି ଟାର୍ଗେଟ କିଲିଂ । ଦକ୍ଷିଣ କାଶ୍ମୀରର ସୋପିଆନ ଅନ୍ତର୍ଗତ ଚୌଧୁରୀ ଗୁଣ୍ଡ୍ ଇଲାକାରେ ଜଣେ କାଶ୍ମୀରୀ ପଣ୍ଡିତଙ୍କୁ ଗୁଳି କରି ହତ୍ୟା କରିଛନ୍ତି ଆତଙ୍କବାଦୀ । ପୂରଣ କିଷନ ଭଟ୍ଟ ନାମକ ଜଣେ ପଣ୍ଡିତ ତାଙ୍କ ଘର ନିକଟରେ ଥିବାବେଳେ କେତେକ ଆତଙ୍କବାଦୀ ତାଙ୍କ ଉପରକୁ ଗୁଳିମାଡ଼ କରିଥିଲେ । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲକୁ ନିଆଯାଇଥିଲା ।

ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ପରେ ଅଞ୍ଚଳ ସିଲ୍ କରି ପୋଲିସ ଛାନବିନ କରୁଛି । ହତ୍ୟାକୁ ବିଭିନ୍ନ ମହଲରୁ ନିନ୍ଦା କରାଯାଇଛି । କାଶ୍ମୀରୀ ପଣ୍ଡିତଙ୍କ ସୁରକ୍ଷା ଦାବି କରାଯାଇଛି । କିଛି ଦିନର ବ୍ୟବଧାନ ପରେ ପୁଣି ପଣ୍ଡିତଙ୍କୁ ଟାର୍ଗେଟ କରାଯିବା ପରେ ଆତଙ୍କ ପ୍ରକାଶ ପାଇଛି ।