ବାଲୁଚିସ୍ତାନରେ ପ୍ରଥମ ହିନ୍ଦୁ ମହିଳା ହେଲେ କମିଶନର

ନନ୍ଦିଘୋଷ ବ୍ୟୁରୋ: ବାଲୁଚିସ୍ତାନରେ ପ୍ରଥମ ହିନ୍ଦୁ ମହିଳାକୁ ଗୁରୁ ଦାୟିତ୍ବ । ପାକିସ୍ତାନରେ ହିନ୍ଦୁ ଝିଅକୁ ମିଳିଛି ବଡ ସଫଳତା। କଶିଶ୍ ଚୌଧୁରୀକୁ ନେଇ ଏବେ ଜୋରଦାର ଚର୍ଚ୍ଚା। କଶିଶଙ୍କୁ ନେଇ ବଢିଲା ପାକିସ୍ତାନର ଚିନ୍ତା। ବଲୁଚିସ୍ତାନର ପ୍ରଥମ ହିନ୍ଦୁ ମହିଳା ଆସିଷ୍ଟାଣ୍ଟ କମିଶନର ହେଲେ କଶିଶ୍। ମମାତ୍ର ୨୫ ବର୍ଷ ବୟସରେ ଆସିଷ୍ଟାଣ୍ଟ କମିଶନର ହୋଇ ଇତିହାସ ରଚିଲେ କଶିଶ୍। ବଲୁଚିସ୍ତାନର ନୋକ୍ସି ସହରର ଜଗାଇ ଜିଲ୍ଲାରେ କଶିଶଙ୍କ ଜନ୍ମ। ବଲୁଚିସ୍ତାନର ଏହି ଅଞ୍ଚଳ ଦୁର୍ଗମ ସହ ବହୁ ପଛୁଆ। କଶିଶ୍ ଚୌଧୁରୀ ନିଜେ ଶିକ୍ଷା କ୍ଷେତ୍ରରେ ଆଗକୁ ଯିବା ସହ ଅନ୍ୟମାନଙ୍କ ପାଇଁ ଉଦାହରଣ।

ବଲୁଚିସ୍ତାନ ପବ୍ଲିକ ସର୍ଭିସ କମିଶନରେ ଉତ୍ତୀର୍ଣ୍ଣ ହୋଇଥିଲେ କଶିଶ। ଏହି ସଫଳତା ପରେ ଆସିଷ୍ଟାଣ୍ଟ କମିଶନର ଭାବେ ମନୋନୀତ ହେଲେ କଶିଶ୍। କଶିଶଙ୍କୁ ଏହି ସଫଳତାରେ ତାଙ୍କ ପରିବାର ସହ ସମସ୍ତେ ଖୁସି। ସଂଖ୍ୟାଲଘୁ ସଂପ୍ରଦାୟ ଓ ମହିଳାଙ୍କ ପାଇଁ କାମ କରିବେ ବୋଲି କହିଛନ୍ତି।