ପୁରୀ: ସୀମା ଟପିଲେ। ଧର୍ମ କରିବାକୁ ଆସିଥିବା ହବିଷ୍ଯାଳିଙ୍କୁ ଘଉଡ଼ାଇବାକୁ ତଳକୁ ଖସିଗଲେ। ଶେଷରେ ହବିଷ୍ଯାଳି ମାଆମାନଙ୍କୁ ପାଣି ପକାଇ ଘଉଡ଼ାଇବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। ସେପଟେ ରହିବାକୁ ନପାଇଁ ପୁରୀ ହବିଷ୍ୟାଳି କେନ୍ଦ୍ର ବୃନ୍ଦାବତୀ ନିବାସ ନିକଟରେ ଜଣେ ହବିଷ୍ୟାଳି ଅସୁସ୍ଥ ହୋଇପଡିଛନ୍ତି। ପ୍ରବଳ ଗରମ ଯୋଗୁ ବ୍ରତଧାରୀ ଅସୁସ୍ଥ ହୋଇପଡ଼ିଛନ୍ତି ।
ସେଠାରେ ଉପସ୍ଥିତ ଥିବା ସ୍ୱେଚ୍ଛାସେବୀ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ପ୍ରବଳ ଗରମ ଓ ଗୁଳୁଗୁଳିରୁ ଏପରି ହୋଇଥିବା ଅନୁମାନ କରାଯାଉଛି l ଅସୁସ୍ଥ ବ୍ରତଧାରୀ ହେଉଛନ୍ତି ଶଶୀରେଖା। ତାଙ୍କ ଘର ଯାଜପୁର ବରି ଅଞ୍ଚଳର ବୋଲି ଜଣାପଡିଛି । ତାଙ୍କୁ ପ୍ରାଥମିକ ଚିକିତ୍ସା ପରେ ଆମ୍ବୁଲାନ୍ସ ଯୋଗେ ହସ୍ପିଟାଲରେ ଭର୍ତି କରାଯାଇଛି । କାର୍ତ୍ତିକ ବ୍ରତ କରିବାକୁ ଆସି ହନ୍ତସନ୍ତ ହୋଇଛନ୍ତି ହବିଷ୍ଯାଳି। ଶୀତ କାକରରେ କଟିଲା ରାତି। ବୃନ୍ଦାବତୀ ନିବାସ ଓ ବଗଲା ଧର୍ମଶାଳା ବାହାରେ ରାତି ବିତାଇଲେ ଅଣପଞ୍ଜିକୃତ ହବିଷ୍ଯାଳି। ଅନଲାଇନରେ ଆବେଦନ କରିଥିଲେ ମଧ୍ୟ ଆସିନାହିଁ ମେସେଜ୍। ହବିଷ୍ଯାଳିଙ୍କୁ ରହିବାକୁ ମିଳିଲାନି ସୁଯୋଗ। ବ୍ରତ ପାଇଁ ଆସି କଲବଲ ହେଉଛନ୍ତି ବ୍ରତଧାରୀ । ହବିଷ୍ୟାଳି ଶିବିରରେ ରହିବାକୁ ଆସି ହେଉଛନ୍ତି ହଇରାଣ ହବିଷ୍ଯାଳି ।
