ରେଢ଼ାଖୋଲ ଅଞ୍ଚଳର ବିକାଶକୁ ମୁଖ୍ୟମନ୍ତ୍ରୀ ସର୍ବଦା ଗୁରୁତ୍ବ ଦେଇଆସିଛନ୍ତି : 5T ଅଧ୍ୟକ୍ଷ
1 min read
ସମ୍ବଲପୁର: ରେଢ଼ାଖୋଲ ଅଞ୍ଚଳର ବିକାଶକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସର୍ବଦା ଗୁରୁତ୍ବ ଦେଇଆସିଛନ୍ତି। ଅଞ୍ଚଳର ବିକାଶ ଲାଗି ଯାହା କାମ ଦରକାର ତାହାକୁ ମୁଖ୍ଯମନ୍ତ୍ରୀ ପୂରଣ କରିବେ ବୋଲି କହିଛନ୍ତି 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ। ଭିଡିଓ କନଫରେନ୍ସିଂ ଜରିଆରେ ରେଢାଖୋଲବାସୀଙ୍କୁ ସେ କହିଛନ୍ତି- ସ୍ଥାନୀୟ ଅଞ୍ଚଳବାସୀଙ୍କଠାରୁ ସେ ସର୍ବଦା ସ୍ନେହ ପାଇଆସିଛନ୍ତି। ମନ୍ଦିର, ମସଜିଦ, ଚର୍ଚ୍ଚ ନେଇ ଆସନ୍ତାକାଲି ସୁଦ୍ଧା ଖୁସି ଖବର ମିଳିବ। ୨୪ ଘଣ୍ଟା ଭିତରେ ଅର୍ଡର ମିଳିଯିବ। ମାମାନଙ୍କୁ ସଶକ୍ତ କରିବା ଲାଗି ସରକାର ସମସ୍ତ ଯୋଜନା କରିଛନ୍ତି। ୫ ଲକ୍ଷ ବଦଳରେ ମାମାନଙ୍କୁ ମିଳୁଛି ବିନା ସୁଧରେ ୧୦ ଲକ୍ଷ ଟଙ୍କ । ମମତା ଯୋଜନାରେ ଆଗରୁ ମା ମାନେ ୫ ହଜାର ଟଙ୍କା ପାଉଥିଲେ। ବର୍ତ୍ତମାନ ତାହା ୧୦ ହଜାର ହୋଇଛି। ସ୍ବୟଂ ଯୋଜନାରେ ଯୁବକଙ୍କ ଲାଗି ସୁଯୋଗ ସୃଷ୍ଟି ହୋଇଛି । ଯୁବକମାନେ ୧ ଲକ୍ଷ ଟଙ୍କା ଯାଏ ବିନା ସୁଧରେ ପାଇପାରିବେ। ଏହି ଯୋଜନା ଲାଗି ୧୦ ହଜାରରୁ ଅଧିକ ଯୁବକ ଆବେଦନ କଲେଣି। ସମସ୍ତେ ମିଶି ଭଲ କାମ କରିବାକୁ ଆହ୍ବାନ ଦେଇଥିଲେ 5T ଅଧ୍ୟକ୍ଷ।