ବୌଦ୍ଧ: ବୌଦ୍ଧରେ ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନଙ୍କ ପ୍ରଚାର। ସରକାରଙ୍କ ବିଭିନ୍ନ ଯୋଜନାକୁ ନେଇ ଭୋଟରଙ୍କୁ ପ୍ରଶ୍ନ ପଚାରିଲେ ପାଣ୍ଡିଆନ । ନିର୍ବାଚନରେ ଟୁରିଷ୍ଟ ଭଳି ବିରୋଧୀ ନେତା ଆସିବେ। ନିର୍ବାଚନ ପରେ ସେମାନଙ୍କୁ ପାଇବେ ନାହିଁ। ପୁଣି ୫ ବର୍ଷ ପରେ ସେମାନେ ଆସିବେ। କିନ୍ତୁ ବିଜେଡି ସବୁବେଳେ ଆପଣଙ୍କ ସୁଖଦୁଃଖରେ ଠିଆ ହେବ। ବିଜେଡି ପ୍ରାର୍ଥୀଙ୍କୁ ଆଶୀର୍ବାଦ କରିନ୍ତୁ। ଆପଣ ମାନେ ୪୦ ହଜାର ମାର୍ଜିନରେ ଆମ ପ୍ରାର୍ଥୀଙ୍କୁ ଜିତାଇବେ କି ? ଆପଣମାନେ ୯୫ ପ୍ରତିଶତ ଭୋଟିଂ କରନ୍ତୁ । ଭୋଟିଂ ବଢିଲେ ମାନ୍ୟବର ବିଧାୟକ ଓ ସାଂସଦ ପ୍ରାର୍ଥୀ ଅଧିକ ଭଲ କାମ କରିବେ ବୋଲି କହିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ।
ଆହୁରୀ ମଧ୍ୟ କହିଛନ୍ତି, ଅଚ୍ୟୁତ ବାବୁଙ୍କର ରାଜନୀତିକୁ ଆସିବାର କୌଣସି କାରଣ ନଥିଲା । କିନ୍ତୁ ନବୀନଙ୍କ ସହ ମିଶି ଜନତାଙ୍କ ସେବା କରିବା ଥିଲା ତାଙ୍କର ଲକ୍ଷ୍ଯ । ସେଥିପାଇଁ ମୁଖ୍ୟମନ୍ତ୍ରୀ ତାଙ୍କୁ ପ୍ରାର୍ଥୀ କରିଲେ। ପ୍ରଦୀପ ବାବୁଙ୍କ ବାବଦରେ ବେଶି କିଛି କହିବାର ନାହିଁ। କାରଣ ସେ ବୌଦ୍ଧରେ ବହୁତ ସେତୁ କରିଛନ୍ତି। ମୁଁ ଥରେ ତାଙ୍କୁ କହିଥିଲି, ଆପଣ ସବୁ ସେତୁ ଯଦି ବୌଦ୍ଧକୁ ନେଇଯିବେ ତେବେ ବାକି ବିଧାୟକ କ’ଣ ନେବେ।
