ମୁମ୍ବାଇ: ନିକଟରେ ମୁମ୍ବାଇ ହୋର୍ଡିଂ ଦୁର୍ଘଟଣାରେ ପ୍ରାଣ ହରାଇଛନ୍ତି ଅଭିନେତା କାର୍ତ୍ତିକ ଆର୍ୟାନଙ୍କ ମାମୁଁ ମାଇଁ । ମୁମ୍ବାଇରେ ଘୂର୍ଣ୍ଣିଝଡ ଯୋଗୁଁ ଘାଟକୋପର ଅଞ୍ଚଳରେ ଏକ ହୋର୍ଡିଂ ଖସିଯିବା ପରେ ଅନେକ ଲୋକଙ୍କର ମୃତ୍ୟୁ ହୋଇଥିଲା। ଏହି ଦୁର୍ଘଟଣାରେ ସମ୍ପର୍କୀୟଙ୍କୁ ହରାଇଛନ୍ତି କାର୍ତ୍ତିକ ଆର୍ୟନ । ଦୁର୍ଘଟଣାର ୫୬ ଘଣ୍ଟା ପରେ କାର୍ତ୍ତିକ ଆର୍ୟ୍ୟନଙ୍କ ମାମୁଁ ଏବଂ ମାଇଁଙ୍କ ମୃତଦେହ ମିଳିଛି। ବର୍ତ୍ତମାନ ସୁଦ୍ଧା ଅଭିନେତା କାର୍ତ୍ତିକଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ।
କିଛିଦିନ ପୂର୍ବରୁ ଇନ୍ଦୋର ବିମାନ ବନ୍ଦରର ପୂର୍ବତନ ନିର୍ଦ୍ଦେଶକ ଥିବା ଅଭିନେତାଙ୍କ ମାମୁଁ ମନୋଜ ଖାନସୋରିଆ ତାଙ୍କ ପତ୍ନୀ ଅନୀତା ଚାନସୋରିଆଙ୍କ ସହ ମୁମ୍ବାଇ ଆସିଥିଲେ। ସେ ଜବଲପୁରର ସିଭିଲ୍ ଲାଇନ୍ସରେ ରହୁଥିଲେ ଏବଂ କିଛି ଗୁରୁତ୍ୱପୂର୍ଣ୍ଣ କାମ ପାଇଁ ମୁମ୍ବାଇ ଯାଇଥିଲେ। କିଛି ଦିନ ପରେ ପୁଅକୁ ଭେଟିବା ପାଇଁ ସେ ଆମେରିକା ଯାଇଥାନ୍ତେ। ସେ କିଛି ଦିନ ମୁମ୍ବାଇରେ ରହିବାକୁ ଆସିଥିଲେ ।
କିନ୍ତୁ ଯେତେବେଳେ ତାଙ୍କ ପୁଅ ୟଶ ପିତାମାତାଙ୍କ ସହ କଥା ହୋଇପାରିନଥିଲେ, ସେତେବେଳେ ସେ ସମ୍ପର୍କୀୟଙ୍କ ସାହାଯ୍ୟ ନେଇଥିଲେ। ଏହା ପରେ ସେ ଜାଣିବାକୁ ପାଇଥିଲେ ଯେ ତାଙ୍କ ପିତାମାତା ମୁମ୍ବାଇ ଝଡ଼ରେ ଫସି ରହିଛନ୍ତି। ଘଟଣାର ଅନୁସନ୍ଧାନ କରିବାର ୫୬ ଘଣ୍ଟା ପରେ ସେମାନଙ୍କ ମୃତଦେହ ମିଳିଥିଲା।
ଏହି ଦୁର୍ଘଟଣାର ୬୦ ଘଣ୍ଟା ପରେ ୧୬ ଜଣଙ୍କ ମୃତଦେହ ମିଳିଥିଲା । ଏହି ଦୁର୍ଘଟଣାରେ ୭୫ ଜଣ ଆହତ ହୋଇଥିଲେ। ଦୁର୍ଘଟଣା ଘଟିଥିବା ସ୍ଥାନକୁ ସିଲ୍ କରାଯାଇ ଅଧିକ ତଦନ୍ତ ଆରମ୍ଭ ହେବ ।
