କେକ ଖାଉଥିଲେ ସାବଧାନ ! ହୋଇପାରେ କ୍ୟାନସର
ବେଙ୍ଗାଲୁରୁ: କେକରୁ ମିଳିଲା କର୍କଟ ରୋଗ ସୃଷ୍ଟିକାରୀ ପଦାର୍ଥ । ୧୨ଟି ନମୁନାରେ ଏହି ବିପଦଜନକ ପଦାର୍ଥ ମିଳିବା ପରେ ଆଡଭାଇଜରୀ ଜାରି କରିଛନ୍ତି କର୍ଣ୍ଣାଟକ ସରକାର । ଏଥିଲାଗି ସତର୍କ ରହିବା ଲାଗି ପରାମର୍ଶ ଦିଆଯାଇଛି । ବେଙ୍ଗାଲୁରୁରେ କରାଯାଇଥିବା ଏଭଳି ୧୨ଟି ନମୂନାରୁ ଏହି କ୍ଯାନସର ସୃଷ୍ଟିକାରୀ ପଦାର୍ଥ ମିଳିଛି । ଏହାକୁ ନେଇ ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଆଲର୍ଟ ଜାରି କରାଯାଇଛି ।
ଲୋକଙ୍କୁ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି । ବେକେରୀରେ ପ୍ରସ୍ତୁତ ହେଉଥିବା କେକ ଗୁଡିକରେ ବ୍ୟବହୃତ ସାମଗ୍ରୀକୁ ନେଇ ଆଡଭାଇଜରି ଜାରି କରାଯାଇଛି । କୃତ୍ରିମ ରଙ୍ଗର ବହୁଳ ବ୍ୟବହାର ଦ୍ଵାରା କ୍ଯାନସର ବିପଦ ବଢିବା ସହ ମାନସିକ ଓ ଶାରିରୀକ ସ୍ଵାସ୍ଥ୍ୟ ଉପରେ ମଧ୍ୟ ପ୍ରଭାବ ପଡ଼ିବା ସମ୍ଭାବନା ରହିଛି । ଏହାସହ କେକ୍ ପ୍ରସ୍ତୁତିରେ ହାନୀକାରଣ ରସାୟନ ବ୍ୟବହାର ବନ୍ଦ କରିବାକୁ ମଧ୍ୟ ଆଡଭାଇଜରି ଜାରି ହୋଇଛି ।
ଗୋଟିଏ କେଜି ଖାଦ୍ୟ ସାମଗ୍ରୀରେ ସର୍ବାଧିକ ୧୦୦ ମିଲିଗ୍ରାମ ରଙ୍ଗ ବ୍ୟବହାର କରିବାର ନିୟମ ରହିଛି । ଖାଦ୍ୟ ନିରାପତ୍ତା ବିଭାଗ ଯାଞ୍ଚ କରିଥିବା ମୋଟ ୨୩୫ କେକ୍ ମଧ୍ୟରୁ ୨୨୩ଟି ସୁରକ୍ଷିତ ଥିବା ଜଣାପଡିଥିଲା । ଅନ୍ୟ ୧୨ଟିରେ କ୍ଯାନସର ସୃଷ୍ଟିକାରୀ ପଦାର୍ଥ ମିଳିଥିଲା । ବ୍ଲାକ ଫରେଷ୍ଟ ଓ ରେଡ୍ ଭେଲଭେଟ୍ ଭଳି କେକର ପ୍ରସ୍ତୁତିରେ ଏହି ରଙ୍ଗ ବ୍ୟବହାର କରାଯାଇଥାଏ ।
