ବେଙ୍ଗାଲୁରୁ: ଅଡୁଆରେ କର୍ଣ୍ଣାଟକର ପୂର୍ବତନ ମୁଖ୍ଯମନ୍ତ୍ରୀ ତଥା ବରିଷ୍ଠ ବିଜେପି ନେତା ବିଏସ ୟେଦୁରପ୍ପା। ବେଙ୍ଗାଳୁରୁସ୍ଥିତ ନିଜ ବାସଭବନରେ ଜଣେ ନାବାଳିକାଙ୍କୁ ଯୌନ ନିର୍ଯାତନା ଦେବା ଅଭିଯୋଗରେ ତାଙ୍କ ବିରୋଧରେ ପୋକ୍ସୋ ଆଇନ ଆଧାରରେ ମାମଲା ରୁଜୁ ହୋଇଛି। ୮୧ ବର୍ଷ ବୟସ୍କ ରାଜନେତା ୟେଦୁରପ୍ପାଙ୍କ ବିରୋଧରେ କରାଯାଇଛି ସଂଗୀନ ଅଭିଯୋଗ।
ଗତ ଗତ ଫେବୃଆରୀ ୨ରେ ଜଣେ ମହିଳା ତାଙ୍କ ନାବାଳିକା କନ୍ଯାଙ୍କୁ ନେଇ ୟେଦ୍ୟୁରାପ୍ପାଙ୍କ ଘରକୁ ଯାଇଥିଲେ। ତାଙ୍କ କନ୍ଯାଙ୍କୁ ଦୁଷ୍କର୍ମ କରାଯାଇଥିଲା ଏବଂ ପୀଡ଼ିତାଙ୍କୁ ନ୍ୟାୟ ଦେବା ଲାଗି ସେ ୟେଦ୍ୟୁରାପ୍ପାଙ୍କ ଦ୍ବାରସ୍ଥ ହୋଇଥିଲେ। ଏହା ସହ ଯେପରି ଏହି ଘଟଣାରେ ତଦନ୍ତ ଲାଗି ଏକ ଏସଆଇଟି ଗଠନ ହୋଇପାରିବ ସେ ଦିଗରେ ପଦକ୍ଷେପ ନେବା ଲାଗି ୟେଦୁରପ୍ପାଙ୍କୁ ମହିଳା ଜଣକ ପରାମର୍ଶ ମାଗିଥିଲେ। ମାତ୍ର ନାବାଳିକାଙ୍କୁ ଘର ଭିତରକୁ ନେଇଯାଇ ତାଙ୍କ ପ୍ରତି ୟେଦୁରପ୍ପା ଯୌନଗତ ଖରାପ ଆଚରଣ ପ୍ରଦର୍ଶନ କରିଥିଲେ ବୋଲି ଅଭିଯୋଗ କରିଛନ୍ତି ମହିଳା। ଏହି ଘଟଣା କାହାକୁ ନଜଣାଇବା ଲାଗି ମହିଳାଙ୍କୁ ୟେଦୁରପ୍ପା କହିଥିଲେ ବୋଲି ଅଭିଯୋଗ କରାଯାଇଛି। ମହିଳାଙ୍କ ଅଭିଯୋଗ ପରେ ବେଙ୍ଗାଳୁରୁର ସଦାଶିବ ନଗର ପୋଲିସ ଥାନରେ ପୋକ୍ସୋ ଆଇନରେ ମାମଲା ରୁଜୁ ହୋଇଛି। ସେପଟେ ଏହି ଅଭିଯୋଗକୁ ଖଣ୍ଡନ କରିଛନ୍ତି ୟେଦ୍ଯୁରାପ୍ପା। ଦେଢମାସ ତଳେ ପୀଡିତା ଓ ମା ତାଙ୍କ ଘରକୁ ଆସିଥିଲେ। ପୀଡିତାଙ୍କ ସମସ୍ୟାର ସମାଧାନ ଲାଗି ସେ ପୋଲିସ କମିଶନରଙ୍କୁ ବି ଫୋନରେ ସୂଚନା ଦେଇଥିଲେ। ମାତ୍ର ପରେ ତାଙ୍କ ବିରୋଧରେ ମିଥ୍ଯା ଅଭିଯୋଗ କରିଥିଲେ ।
