ଇସ୍ତଫା ଦେବା ନେଇ ସ୍ପଷ୍ଟ କଲେ କର୍ଣ୍ଣାଟକ ମୁଖ୍ୟମନ୍ତ୍ରୀ ୟେଦିୟୁରପ୍ପା, କହିଲେ ‘ମୁଁ ସବୁବେଳେ ଅଗ୍ନିପରୀକ୍ଷା ଦେଇଆସୁଛି’
କର୍ଣ୍ଣାଟକ: ଇସ୍ତଫା ଦେବେ ୟେଦିୟୁରପ୍ପା । କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ କିଛି ସମୟ ମଧ୍ୟରେ ଇସ୍ତଫା ଦେବେ ବିଏସ୍ ୟେଦିୟୁରପ୍ପା । ରାଜ୍ୟପାଳଙ୍କୁ ଭେଟି ଇସ୍ତଫା ପତ୍ର ପ୍ରଦାନ କରିବେ ୟେଦୁ । ମୁଖ୍ୟମନ୍ତ୍ରୀ ପଦ ଛାଡ଼ିବା ନେଇ ୟେଦିୟୁରପ୍ପାଙ୍କ ଘୋଷଣା । ମୁଖ୍ୟମନ୍ତ୍ରୀ ଭାବେ ୪ର୍ଥ ପାଳିରେ ୟେଦୁଙ୍କ ୨ବର୍ଷ ଆଜି ପୂରଣ ହୋଇଛି । ତାଙ୍କର ଇସ୍ତଫା ପରେ ଘୋଷଣା ହୋଇପାରେ ନୂଆ ମୁଖ୍ୟମନ୍ତ୍ରୀଙ୍କ ନାଁ ।
ହାଇକମାଣ୍ଡଙ୍କ ଔପଚାରିକ ଘୋଷଣା ପରେ ନୂଆ ନାଁ ଘୋଷଣା ହେବ । ରାଜ୍ୟରେ ପ୍ରାଶାସନିକ ସ୍ତରରେ ଦୁର୍ନୀତି, ଦଳର ଆଭ୍ୟନ୍ତରୀଣ ବ୍ୟାପାରରେ ପୁଅ ବିଜୟେନ୍ଦ୍ରଙ୍କ ହସ୍ତକ୍ଷେପ ନେଇ ବେଶ ବିବାଦକୁ ଆସିଥିଲେ ୟେଦି । ମୁଖ୍ୟମନ୍ତ୍ରୀ ରେସରେ ଅଛନ୍ତି ରାଜ୍ୟ ଖଣିମନ୍ତ୍ରୀ ମୁରୁଗେସ ନିରାନି, ଅରବିନ୍ଦ ବେଲାଡ, ବାସବରାଜ ବୋମାଇ, ଅଶ୍ୱଥ ନାରାୟଣ, ସି.ଟି. ରବି, କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ, ବି.ଏଲ.ସନ୍ତୋଷ ପ୍ରମୁଖ ।
