କାଲି କର୍ଣ୍ଣାଟକ ମନ୍ତ୍ରିମଣ୍ଡଳର ସମ୍ପ୍ରସାରଣ, ନୂଆ ମନ୍ତ୍ରିମଣ୍ଡଳରେ ସାମିଲ ହେବେ ଆଉ ୨୪ ମନ୍ତ୍ରୀ

ବେଙ୍ଗାଲୁରୁ: ଆସନ୍ତାକାଲି କର୍ଣ୍ଣାଟକ ମନ୍ତ୍ରିମଣ୍ଡଳର ସମ୍ପ୍ରସାରଣ । ନୂଆ ମନ୍ତ୍ରିମଣ୍ଡଳରେ ସାମିଲ ହେବେ ଆଉ ୨୪ ମନ୍ତ୍ରୀ । ମୁଖ୍ୟମନ୍ତ୍ରୀ ସିଦ୍ଧରମୈୟା ଓ ଉପମୁଖ୍ୟମନ୍ତ୍ରୀ ଡି.କେ. ଶିବକୁମାର ତଥା ହାଇକମାଣ୍ଡଙ୍କ ମଧ୍ୟରେ ଆଲୋଚନା ପରେ ନୂଆ ମନ୍ତ୍ରୀମାନଙ୍କ ନାମ ସ୍ଥିରୀକୃତ ହୋଇଛି । ଗତ ୨୦ ତାରିଖରେ ମୁଖ୍ୟମନ୍ତ୍ରୀ ଭାବେ ସିଦ୍ଧରମୈୟା ଓ ଉପମୁଖ୍ୟମନ୍ତ୍ରୀ ଭାବେ ଶିବକୁମାର ଶପଥ ନେବା ସହ ୮ ମନ୍ତ୍ରୀ ଶପଥ ନେଇଥିଲେ । ସେହି ୮ ମନ୍ତ୍ରୀଙ୍କ ମଧ୍ୟରେ ଥିଲେ ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେଙ୍କ ପୁଅ ପ୍ରିୟାଙ୍କ ଖଡଗେ ।

ବିଭିନ୍ନ ସମ୍ପ୍ରଦାୟର ଉଚିତ ପ୍ରତିନିଧିତ୍ବକୁ ଆଧାର କରି ମନ୍ତ୍ରିମଣ୍ଡଳର ସମ୍ପ୍ରସାରଣ କରାଯିବ । କର୍ଣ୍ଣାଟକ ବିଧାନସଭା ନିର୍ବାଚନରେ ୨୨୪ ଆସନରୁ କଂଗ୍ରେସ ୧୩୫ ଆସନରେ ବିଜୟ ହୋଇଥିଲା । ବିଜେପିକୁ ୬୬ ଓ ଜେଡିଏସକୁ ମାତ୍ର ୧୯ଟି ଆସନ ମିଳିଥିଲା ।