ମାଆ ହେବାକୁ ନାରାଜ କରିନା, ସୈଫଙ୍କୁ ଦେଲେ ଚେତାବନୀ

ମୁମ୍ବାଇ: ବି-ଟାଉନର ହଟ୍ ଯୋଡି ବେବୋ-ସୈଫଙ୍କୁ ନେଇ ପ୍ରାୟ ସବୁଦିନ କିଛି ନା କିଛି ଚର୍ଚ୍ଚା ଥାଏ । କେବଳ ସେମାନେ ନୁହଁନ୍ତି, ସେମାନଙ୍କ ପିଲା ବି ସୋସିଆଲ ମିଡିଆରେ ବହୁତ ଫେମସ୍ । ବିଶେଷ କରି ତୈମୁରଙ୍କ କୌଣସି ଭିଡିଓ କି ଫଟୋ ସୋସିଆଲ ମିଡିଆରେ ପୋଷ୍ଟ ହେବା ମାତ୍ରେ ଭାଇରାଲ ହୋଇଯାଇଥାଏ । କରିନା ଏମିତି ଜଣେ ଅଭିନେତ୍ରୀ ଯିଏ ନିଜ ପର୍ସନାଲ ଲାଇଫ୍ ବିଷୟରେ ଖୋଲାଖୋଲି କଥା ହୋଇଥାନ୍ତି । ମିଡିଆ ସହ କଥା ହେବା ବେଳେ ବେବୋ ସୈଫଲୀ ଖାନଙ୍କୁ ଆଉ ବାପା ନହେବାକୁ ଚେତାବନୀ ଦେଇଥିବା କହିଛନ୍ତି ।

ସୂଚାଯୋଗ୍ୟ, ସୈଫଙ୍କର ୪ଟି ପିଲା ଅଛନ୍ତି । ପ୍ରଥମ ଦୁଇ ପିଲା ସାରା ଏବଂ ଇବ୍ରାହିମ୍ ପୂର୍ବ ପତ୍ନୀ ଅମୃତା ସିଂଙ୍କଠାରୁ ଜନ୍ମ ହୋଇଛନ୍ତି । କରିନା, ତୈମୁର ଏବଂ ଜାହାଙ୍ଗିରଙ୍କୁ ଜନ୍ମ ଦେଇଛନ୍ତି ।

କରିନା କହିଛନ୍ତି, ପ୍ରତି ଦଶକରେ ପିଲା ଜନ୍ମ କରିଛନ୍ତି ସୈଫ୍ । ହେଲେ ୬୦ ଦଶକରେ ପିଲା ଜନ୍ମ ନକରିବାକୁ ଚେତାବନୀ ଦେଇଛି । ସେ କହିଛନ୍ତି, ୨୦ ଦଶକରେ ସାରା, ୩୦ ଦଶକରେ ଇବ୍ରାହିମ, ୪୦ ଦଶକରେ ତୈମୁର ଏବଂ ୫୦ ଦଶକରେ ଜାହାଙ୍ଗିର ଜନ୍ମ ହୋଇଛନ୍ତି । ତେବେ ୬୦ ଦଶକରେ ପିଲା ଜନ୍ମ ନ କରିବାକୁ ମୁଁ ତାଙ୍କୁ କହି ଦେଇଛି ।

ସେ ଆଗକୁ କହିଛନ୍ତି, ସୈଫ ସବୁ ପିଲାଙ୍କୁ ସମୟ ଦେଇଥାନ୍ତି । ଜେହ (ଜାହାଙ୍ଗିର) ଜନ୍ମ ହେବା ପରେ ତାକୁ ନେଇ ପରିବାରରେ ବାଲାନ୍ସ ଆଣିବାକୁ ଆମେ ଚେଷ୍ଟା ଚଲାଇଛୁ । ଏମିତି ସମୟରେ ଆଉ ପିଲା ଜନ୍ମ କରିବା ସପକ୍ଷରେ ମୁଁ ନାହିଁ ।

ତୈମୁରଙ୍କୁ ନେଇ କରିନା କହିଛନ୍ତି, ସୈଫ ଓ ତୈମୁର ବାପପୁଅ ଭଳି ନୁହେଁ ସାଙ୍ଗ ଭଳି ରହିଥାନ୍ତି । ଯଦି ଘରକୁ କେହି ଆସିଥାନ୍ତି, ତୈମୁର ତାଙ୍କ ସହ ମିଶିବାକୁ ଚେଷ୍ଟା କରିଥାଏ । ସେ ଜୁନିଅର ସୈଫ୍ । ରକ୍ ଷ୍ଟାର ହେବାକୁ ଇଚ୍ଛା ରଖିଛି ।

କରିନା କପୁର ଖାନ ଶୀଘ୍ର ବଡ଼ ପରଦାରେ ନଜର ଆସିବାକୁ ଯାଉଛନ୍ତି । ଅମୀର ଖାନଙ୍କ ସହ କରିନାଙ୍କ ଫିଲ୍ମ ‘ଲାଲ ସିଂ ଚଡ୍ଡା’ ଆସୁଛି । ଏହାସହ ‘ଦି ଡିଭୋସନ ଅଫ୍ ସସପେକ୍ଟ ଏକ୍ସ’ ଉପରେ ଆଧାରିତ ଏକ ସିରିଜରେ ସଞ୍ଜୟ ଘୋଷଙ୍କ ସହ କାମ କରିବେ । ସୈଫଙ୍କ କଥା କହିବା ତ ‘ଆଦି ପୁରୁଷ’ ଓ ‘ବିକ୍ରମ ବେଧା’ ଫିଲ୍ମରେ ଲିଡ ରୋଲରେ ଆସୁଛନ୍ତି ସୈଫ୍ ।