ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କପୁର ପରିବାରର ନିମନ୍ତ୍ରଣ

ନନ୍ଦିଘୋଷ ବ୍ୟୁରୋ: ଭାରତୀୟ ସିନେମା ଜଗତର ’ଗ୍ରେଟ ସୋ ମ୍ୟାନ’ ରାଜ କପୁରଙ୍କ ୧୦୦ତମ ଜୟନ୍ତୀ ପାଳନ ହେବାକୁ ଯାଉଛି । ଯାହାକୁ ନେଇ କପୁର ପରିବାର ଏବେ ବ୍ୟସ୍ତ ରହିଛି । ଜୋରଦାରରେ ଆୟୋଜନ ହେବାକୁ ଯାଉଛି । ଯାହାକୁ ନେଇ ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କୁ ନିମନ୍ତ୍ରଣ କରାଯାଉଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ନିମନ୍ତ୍ରଣ କରିଛି କପୁର ପରିବାର । ଯାହାର ଫଟୋ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । କପୁର ପରିବାରର ସଦସ୍ୟମାନେ ମଧ୍ୟ ମୋଦିଙ୍କ ସହ ଉଠାଇଥିବା ଫଟୋକୁ ନିଜର ସୋସିଆଲ ମିଡିଆ ସାଇଟରେ ପୋଷ୍ଟ କରିଛନ୍ତି ।

କରିନା କପୁର, କରିସ୍ମା, ରଣବୀର ପ୍ରମୁଖ ଅଭିନେତା ମଧ୍ୟ ଉପସ୍ଥିତ ରହିଥିଲେ । ଆଲିଆ ନିଜର ସୋସିଆଲ ମିଡିଆ ପେଜରେ ଏହି ଫଟୋକୁ ମଧ୍ୟ ପୋଷ୍ଟ କରିଛନ୍ତି ।

କରିନା ଏବଂ କରିସ୍ମା ଉଭୟ ଭଉଣୀ ଏହି ଅବସରରେ ପ୍ରଧାନମନ୍ତ୍ରୀଙ୍କ ଅଟୋ ଗ୍ରାଫ ନେଇଛନ୍ତି । ଯାହାର ଫଟୋକୁ କରିସ୍କା ନିଜର ସୋସିଆଲ ମିଡିଆରେ ପୋଷ୍ଟ କରିଛନ୍ତି ।