ହାତ ଛାଡ଼ିଲେ କପିଲ ସିବଲ, ରାଜ୍ୟସଭା ପାଇଁ ସମାଜବାଦୀ ପାର୍ଟିରୁ ନାମାଙ୍କନ

ଲକ୍ଷ୍ନୌ: ରାଜ୍ୟସଭା ନିର୍ବାଚନ ଭୋଟ୍ ପୂର୍ବରୁ କଂଗ୍ରେସକୁ ଜୋରଦାର ଝଟକା । ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ କପିଲ ସିବଲ କଂଗ୍ରେସରୁ ଇସ୍ତଫା ଦେଇଛନ୍ତି । ଏଥିସହ ସିବଲ ସମାଜବାଦୀ ପାର୍ଟି ଟିକେଟରେ ରାଜ୍ୟସଭା ପାଇଁ ଦାଖଲ କରିଛନ୍ତି ନାମାଙ୍କନପତ୍ର । ବୁଧବାର ଲକ୍ଷ୍ନୌରେ କପିଲ ସିବଲ ନାମାଙ୍କନ ପତ୍ର ଦାଖଲ କରିଛନ୍ତି । ନାମାଙ୍କନ ବେଳେ ତାଙ୍କ ସହ ଅଖିଳେଶ ଯାଦବ ଓ ରାମଗୋପାଳ ଯାଦବ ଉପସ୍ଥିତ ଥିଲେ ।

It is important to be an independent voice. While staying in Opposition we want to create an alliance so that we can oppose the Modi govt: Kapil Sibal after filling nomination of Rajya Sabha with the support of Samajwadi Party pic.twitter.com/UbqfLJlVbD

— ANI UP/Uttarakhand (@ANINewsUP) May 25, 2022

ମେ ୧୬ରେ କଂଗ୍ରେସରୁ ଇସ୍ତଫା ଦେଇଥିବା କହିଛନ୍ତି କପିଲ ସିବଲ । ସେ କହିଛନ୍ତି, ସଂସଦରେ ସ୍ୱତନ୍ତ୍ର ସ୍ୱର ଉଠିବା ଆବଶ୍ୟକ । ଯଦି ସେହି ସ୍ୱତନ୍ତ୍ର ସ୍ୱର କଥା କୁହେ ତ ଲୋକ ମାନିବେ ୟେ କୌଣସି ରାଜନୈତିକ ଦଳର ନୁହନ୍ତି ।

କଂଗ୍ରେସର ଅସନ୍ତୁଷ୍ଟ ଜି-୨୩ ଗୋଷ୍ଠୀରେ ଥିଲେ କପିଲ ସିବଲ । ଦଳର ଶୀର୍ଷ ନେତୃତ୍ୱ ଓ ସଂଗଠନ ପରିବର୍ତ୍ତନ ପାଇଁ ଆହ୍ୱାନ ଦେଇ ଆସୁଥିଲେ । ଏପରିକି ଗାନ୍ଧୀ ପରିବାରକୁ ସମାଲୋଚନା କରୁଥିଲେ । କଂଗ୍ରେସରୁ ଇସ୍ତଫା ଦେବା ପରେ ଅଖିଳେଶ ତାଙ୍କୁ ସମାଜବାଦୀ ପାର୍ଟିରେ କୋଳେଇ ନେବା ସହ ରାଜ୍ୟସଭା ଟିକେଟ୍ ଦେଇଛନ୍ତି । କପିଲ ସିବଲଙ୍କ ସହ ସମାଜବାଦୀ ପାର୍ଟି ଅନ୍ୟ ୨ଟି ଆସନରେ ଦଳର ନେତା ଜୟଦେବ ଅଲୀ ଖାନ ଓ ଡିମ୍ପଲ ଯାଦବଙ୍କୁ ରାଜ୍ୟସଭା ପଠାଇବାକୁ ନିଷ୍ପତ୍ତି ନେଇଛି ।