ବାହାର ରାଜ୍ୟକୁ ଚାଲାଣ ବେଳେ ୪୨ ଦାଦନ ଶ୍ରମିକ ଉଦ୍ଧାର, ଦଲାଲ ଅଟକ

କଣ୍ଟାବାଞ୍ଜି: ବେଆଇନ ଭାବେ ବାହାର ରାଜ୍ୟକୁ ଚାଲାଣ ବେଳେ ଦାଦନ ଶ୍ରମିକଙ୍କୁ ଉଦ୍ଧାର କରିଛି କଣ୍ଟାବାଞ୍ଜି ପୋଲିସ । ୪୨ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରାଯାଇଛି । ଟ୍ରେନ୍ ଯୋଗେ ରାଜ୍ୟ ବାହାରକୁ ଶ୍ରମିକମାନଙ୍କୁ ନେବା ପାଇଁ କଣ୍ଟାବାଞ୍ଜି ରେଳ ଷ୍ଟେସନକୁ ନେଉଥିଲା ଦଲାଲ । ପୋଲିସ କୌଣସି ସୂତ୍ରରୁ ସୂଚନା ପାଇ ଚଢ଼ାଉ କରିଥିଲା ।

ଷ୍ଟେସନରୁ ୪୨ ଦାଦନ ଶ୍ରମିକଙ୍କୁ ଉଦ୍ଧାର କରିବା ସହ ଦଲାଲକୁ ଅଟକ ରଖିଛି ପୋଲିସ । ଉଦ୍ଧାର ଶ୍ରମିକ ଖପ୍ରାଖୋଲ ଅଞ୍ଚଳର ହୋଇଥିବା ଜଣାପଡ଼ିଛି । ଶ୍ରମିକମାନଙ୍କୁ ୩ ଗୋଟି ବୋଲେରୋ ଗାଡ଼ିରେ ଷ୍ଟେସନ ନିଆ ଯାଉଥିବା ବେଳେ ଚଟୁଅନକା ଗାଁ ପାଖ ରାସ୍ତା ନିକଟରେ ପୋଲିସ ରେଡ୍ କରିଥିଲା ।

ଉଦ୍ଧାର ଶ୍ରମିକ ମାନେ ଖପ୍ରାଖୋଲ ଅଞ୍ଚଳର ଟେମରିମାଲ, ପାଇକମାଲ, ବାହାବଲ, ମହୁଲପଡା, ଜଲିଆବାହାଲ ଗାଁର । ଉଦ୍ଧାର ୪୨ ଜଣ ଶ୍ରମିକ ମାନଙ୍କ ମଧ୍ୟରେ ୨୪ ଜଣ ପୁରୁଷ, ୧୫ ଜଣ ମହିଳା ଓ ୩ ଜଣ ଶିଶୁ ଥିବା ଜଣାପଡ଼ିଛି ।