କଞ୍ଝାୱାଲା ଦୁର୍ଘଟଣା; ଦିଲ୍ଲୀ ପୋଲିସକୁ ରିପୋର୍ଟ ମାଗିଲେ ଗୃହମନ୍ତ୍ରୀ

ନୂଆଦିଲ୍ଲୀ: ଏକ ସ୍କୁଟିରେ ଆସୁଥିବା ଯୁବତୀଙ୍କୁ କାର ଧକ୍କା ଦେବା ସହ ପ୍ରାୟ ୧୨ କିଲୋମିଟର ଘୋଷାଡି ନେବା ଘଟଣାର ଗୋଟେ ଦିନ ପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଦିଲ୍ଲୀ ପୋଲିସକୁ ମାମଲାରେ ଯଥାଶୀଘ୍ର କାର୍ଯ୍ୟାନୁଷ୍ଠାନ ନେବାକୁ କହିଛନ୍ତି । ସେ ଦିଲ୍ଲୀ ପୋଲିସର ବରିଷ୍ଠ ଅଧିକାରୀ ଶାଳିନୀ ସିଂହଙ୍କୁ ଶୀଘ୍ର ରିପୋର୍ଟ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେବା ସହ ଉଚିତ କାର୍ଯ୍ୟାନୁଷ୍ଠାନ କରିବା ଉପରେ ଜୋର ଦେଇଦେଇଛନ୍ତି । ଅନ୍ୟପକ୍ଷରେ ଆପ୍ ବିଜେପିକୁ ଲଗାତାର ଟାର୍ଗେଟ କରିଚାଲିଛି । ଅଭିଯୁକ୍ତମାନଙ୍କୁ ବିଜେପି ବଞ୍ଚାଉଥିବା ଅଭିଯୋଗ କରିଛି ଆପ୍ ।

ସୂଚନା ଅନୁଯାୟୀ, ଡିସେମ୍ବର ୩୧ ତାରିଖ ରାତିରେ ୫ ଜଣ ଯୁବକ ନୂଆବର୍ଷ ସେଲିବ୍ରେସନ କରି ନିସାଶକ୍ତ ଅବସ୍ଥାରେ ଫେରୁଥିବା ବେଳେ ସ୍କୁଟିରେ ଯାଉଥିବା ଯୁବତୀକୁ ଧକ୍କା ଦେବା ସହ ପ୍ରାୟ ୧୩ କିଲୋମିଟର କାରରେ ଘୋଷାଡି ନେଇଥିଲେ । ଘଟଣା ସ୍ଥଳରେ ଯୁବତୀର ମୃତ୍ୟୁ ହୋଇଥିବା ବେଳେ ଯୁବତୀ ଶରୀରର ସମସ୍ତ ହାଡ ଭାଙ୍ଗିଯିବା ସହ ଅନେକ କ୍ଷତ ଚିହ୍ନ ହୋଇଛି । ଏହାସହ ମୃତ ଯୁବତୀ ଦେହରେ କୌଣସି କପଡା ନଥିଲା ।