ଆସନ୍ତାକାଲି ମହାରାଷ୍ଟ୍ର ରାଜ୍ୟପାଳଙ୍କୁ ସାକ୍ଷାତ କରିବେ କଙ୍ଗନା

ମୁମ୍ବାଇ: ବଲିଉଡ କୁଇନ କଙ୍ଗନା ଆସନ୍ତାକାଲି ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶ୍ୟାରୀଙ୍କୁ ସାକ୍ଷାତ କରିବେ । ଏହି ସାକ୍ଷାତ ରବିବାର ଅପରାହ୍ନ ୪ଟା ୩୦ରେ ହେବ । ସୂଚନା ମୁତାବକ ଏହି ସାକ୍ଷାତକାରରେ କଙ୍ଗନା ରାଜ୍ୟପାଳଙ୍କ ସାମ୍ନାରେ ବିଏମସି ମୁମ୍ବାଇ ଦ୍ୱାରା ତାଙ୍କ କାର୍ଯ୍ୟାଳୟ ଭଙ୍ଗା ଯାଇଥିବା ଘଟଣା ଏବଂ ସୁରକ୍ଷାକୁ ନେଇ ଆଲୋଚନା କରିବେ । ସୂଚନାଯୋଗ୍ୟ ଏହା ପୂର୍ବରୁ ରାଜ୍ୟପାଳ ଉକ୍ତ ଘଟଣାକୁ ନେଇ ଖପା ହୋଇଯାଇଥିଲେ । ଏହା ବାବଦରେ ଅଜୟ ମେହତାଙ୍କ ସହିତ ଆଲୋଚନା କରିଥିଲେ । ଏହା ସହିତ ସେ ଏହି ପୂରା ମାମଲା ଉପରେ କେନ୍ଦ୍ରକୁ ଏକ ରିପୋର୍ଟ ମଧ୍ୟ କରିବେ ।

ସୂଚନାଯୋଗ୍ୟ ବିଏମସି ଦ୍ୱାରା କଙ୍ଗନାଙ୍କ କାର୍ଯ୍ୟାଳୟ ଭାଙ୍ଗିବା ପରେ କଙ୍ଗନା ଏବଂ ମହାରାଷ୍ଟ୍ର ସରକାରଙ୍କ ମଧ୍ୟରେ ଲଗାତର ବିବାଦ ବଢିଚାଲିଛି । ଭଙ୍ଗାରୁଜା ପରେ କଙ୍ଗନା ଉଦ୍ଧବ ଠାକରେଙ୍କୁ ସିଧାସଳଖ ଚ୍ୟାଲେଞ୍ଜ ମଧ୍ୟ କରିଛନ୍ତି । ଏକ ଭିଡ଼ିଓ ଜାରି କରି କଙ୍ଗନା ଉଦ୍ଧବ ଠାକରେଙ୍କୁ କହିଥିଲେ କି ଆଜି ମୋ ଘର ଭାଙ୍ଗିଛି, କାଲି ତୁମ ଗର୍ବ ଭାଙ୍ଗିବ ।
ସୂଚନା ଅନୁଯାୟୀ କଙ୍ଗନାଙ୍କ ଘର ଭାଙ୍ଗିବା ପରେ ପ୍ରିୟଙ୍କା ଗାନ୍ଧୀଙ୍କ ଶିମଲା ସ୍ଥିତ ବଙ୍ଗଳା ଭାଙ୍ଗିବାକୁ ଦାବି କରାଯାଉଛି ।