ଅନ୍ଧାରୀଘାଟି ଗାଁରେ କଙ୍ଗାରୁକୋର୍ଟ : ୭ ଯୁବକଙ୍କୁ ନିର୍ଦ୍ଧୁମ ପିଟି ଗଛରେ ବାନ୍ଧିଦେଲେ ଲୋକ

ନନ୍ଦିଘୋଷ ବ୍ୟୁରୋ : ବାଲେଶ୍ବର ଜିଲ୍ଲା ବରହମପୁର ଥାନା କେଶୀପୁର ଅନ୍ଧାରୀଘାଟି ଗାଁରେ କଙ୍ଗାରୁକୋର୍ଟ । ଗୋରୁ ଚୋରି କରିଥିବା ଅଭିଯୋଗରେ ନିର୍ଦ୍ଧୁମ ଛେଚା ଖାଇ ତେନ୍ତୁଳି ଗଛରେ ବନ୍ଧା ହେଲେ ୭ଜଣ ଯୁବକ। ଘଟଣାସ୍ଥଳରେ ଲାଗିରହିଛି ଉତ୍ତେଜନା । ଘଟଣା ଅନୁଯାୟୀ ଟୁଲଙ୍କଡାବ ଅଞ୍ଚଳର ୭ଜଣ ଯୁବକ ବିଳମ୍ବିତ ରାତିରେ ଗାଁର କିଛି ଲୋକଙ୍କ ଗୁହାଳରୁ ଗୋରୁ ଚୋରି କରିଥିଲେ ।

ଚୋରି ଗୋରୁଙ୍କୁ ନେବା ବେଳେ ଗ୍ରାମବାସୀଙ୍କ ପକ୍ଷରୁ ସେମାନଙ୍କୁ ଅଟକ ରଖି ମାଡ଼ ମରାଯାଇଥିଲା । ପରେ ଏକ ତେନ୍ତୁଳି ଗଛରେ ବାନ୍ଧି ଦେଇଥିଲେ ଗ୍ରାମବାସୀ । ବରହମପୁର ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ୭ ଜଣ ଯୁବକଙ୍କୁ ଉଦ୍ଧାର କରି ଅଧିକ ତଦନ୍ତ ଚଳାଇଛି । ଅଞ୍ଚଳରେ କିଛି ଦିନ ହେବ ଲୋକଙ୍କ ଗରୁ ଛେଳି, ଚୋରି ହୋଇଆସୁଥିଲା । ଏହାକୁ ନେଇ ଅଞ୍ଚଳରେ ଅସନ୍ତୋଷ ଲାଗି ରହିଥିଲା ।