ବାଲେଶ୍ୱରରେ ପୁଣି କଙ୍ଗାରୁ କୋର୍ଟ, ମୋବାଇଲ ଚୋରିକରି ନିର୍ଧୁମ ଛେଚା ଖାଇଲେ ଚୋର

ବାଲେଶ୍ୱର: ମୋବାଇଲ ଚୋରି ପାଇଁ ଲୋକଙ୍କ ନିସ୍ତକୁ ମାଡ଼ । ହାତ ଗୋଡ଼ ବାନ୍ଧି ନିର୍ଧୁମ ପିଟିଲେ ସ୍ଥାନୀୟ ଲୋକେ । ଏଭଳି ଏକ ଘଟଣା ବାଲେଶ୍ୱର ଜିଲ୍ଲାରେ ଦେଖିବାକୁ ମିଳିଛି । ଯଦି ଦେଖିବା ବାଲେଶ୍ୱର ଜିଲ୍ଲାରେ ଏଭଳି ଘଟଣା ବାରମ୍ବାର ଦେଖିବାକୁ ମଳୁଛି । ସ୍ଥାନୀୟ ଲୋକେ କଙ୍ଗାରୁ କୋର୍ଟର ପ୍ରଥାକୁ ବାରମ୍ବାର ଆପଣାଉଛନ୍ତି । ସଚେତନ ଏବଂ ସ୍ଥାନୀୟ ପୋଲିସ ପ୍ରଶାସନର ହସ୍ତକ୍ଷେପ ପରେ ମଧ୍ୟ ସୁଧୁରୁନାହାନ୍ତି ଲୋକେ । ତେବେ ମୋବାଇଲ ଚୋରି କରିଥିବା ଜଣେ ନାବାଳକ ସମେତ ଦୁଇ ଯୁବକକୁ ନିସ୍ତୁକ ମାଡ଼ ମାରିଥିଲେ ଲୋକେ । ଏମିତି ଏକ ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଥିଲା ।

ସୂଚନା ଅନୁସାରେ ବାଲେଶ୍ୱର ଜିଲ୍ଲା ସୋର ଥାନା ବାରିକପୁର ହାଟରେ ଦୋକାନି ଓ ଗ୍ରାହକଙ୍କ ନିକଟରୁ ମୋବାଇଲ ଚୋରି କରିଥିଲେ  ଜଣେ ନାବାଳକ ସମେତ ଦୁଇ ଯୁବକ । ତେବେ ଚୋରି କରିବା ପରେ ଧରାପଡ଼ିଯାଇଥିଲେ ଲୋକଙ୍କ ହାତରେ । ଏହାପରେ ଲୋକେ ଆଇନକୁ ହାତକୁ ନେଇ ସେମାନଙ୍କୁ ନିସ୍ତୁକ ମାଡ଼ ମାରିଥିଲେ । ପରେ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତ ମାନଙ୍କୁ ଉଦ୍ଧାର କରିଛି ।