କେନ୍ଦୁଝର: ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ କଙ୍ଗାରୁ କୋର୍ଟ। ଅଭିଯୁକ୍ତଙ୍କ ମୁହଁରେ କଳା ବୋଳି ଚପଲ ମାଳ ପକାଇ ଗାଁ ଦାଣ୍ଡରେ ବୁଲାଇଲେ ଲୋକେ । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲାରେ। ସୋମବାର ଅପରାହ୍ନରେ ଜଣେ ନାବାଳିକା ଶୌଚହେବା ପାଇଁ ଯାଇଥିଲେ। ତାଙ୍କୁ ଏକୁଟିଆ ଦେଖି ଅଭିଯୁକ୍ତ ଯୁବକ ଦୁର୍ଷ୍କମ କରିଥିବା ଅଭିଯୋଗ ହୋଇଥିଲା। ନାବାଳିକା ଜଣଙ୍କ ପାଟି କରିବାରୁ ନିକଟରେ ଫୁଟବଲ ଖେଳୁଥିବା କିଛି ପିଲା ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ। ମଙ୍ଗଳବାର ଦିନ ନାବାଳିକାଙ୍କ ପରିବାର ଗ୍ରାମବାସୀଙ୍କ ସହିତ ସଂପୃକ୍ତ ଯୁବକଙ୍କ ଘରେ ପହଞ୍ଚିଥିଲେ। ପରେ ଅଭିଯୁକ୍ତ ମୁହଁରେ କଳା ବୋଳିବା ସହ ଚପଲ ମାଳ ପିନ୍ଧାଇ, ବେକରେ ନାଗରା ପକାଇ ଗାଁ ଦାଣ୍ଡରେ ବୁଲାଇଥିଲେ। ଦୀର୍ଘ ୪ ଘଣ୍ଟା ଏଭଳି ଚାଲିବା ପରେ ପୋଲିସ ଯୁବକ ଜଣଙ୍କୁ ଉଦ୍ଧାର କରିଥିଲା।
ତେବେ ପୀଡିତା ପରିବାର ପକ୍ଷରୁ ଦୁର୍ଷ୍କମ ନେଇ କୌଣସି ଅଭିଯୋଗ ହୋଇନଥିବା ଜଣାପଡିଛି । ଘଟଣାକୁ ନେଇ ପୋଲିସର କୌଣସି ପ୍ରତିକ୍ରିୟା ମିଳିପାରିନାହିଁ ।
