ପୁଣି ଚର୍ଚ୍ଚାରେ ବଲିଉଡ୍ କ୍ୱିଇନ୍ କଙ୍ଗନା ରାଣାଓ୍ୱତ: ଜାଣନ୍ତୁ କାହିଁକି

ନିଜର ଅପକମିଂ ଫିଲ୍ମ “ଥଲାଇଭି”କୁ ନେଇ ପୁଣି ଚର୍ଚ୍ଚାରେ ବଲିଉଡ୍‌ କ୍ୱିଇନ୍‌ କଙ୍ଗନା ରାଣାଓ୍ୱତ । ଏହି ଚଳଚ୍ଚିତ୍ରରେ ତାମିଲନାଡ଼ୁର ଦିବଂଗତ ମୁଖ୍ୟମନ୍ତ୍ରୀ ଜୟଲଳିତାଙ୍କ ଚରିତ୍ରରେ ଅଭିନୟ କରୁଛନ୍ତି କଙ୍ଗନା  । ଏହି ବାୟୋପିକ ଫିଲ୍ମର ନିର୍ଦ୍ଦେଶନା ଦେଇଛନ୍ତି ଏ ଏଲ୍ ବିଜୟ । ଆସନ୍ତା ବର୍ଷ ଜୁନ୍ ୨୬ରେ ଫିଲ୍ମଟି ରିଲିଜ୍‌ ହେବାକୁ ଥିବାବେଳେ ମୋଟ ତିନୋଟି ଭାଷାରେ ରିଲିଜ ହେବ ଫିଲ୍ମ ।

ରିସେଣ୍ଟଲି ଥଲାଇଭିର ଟିଜର ରିଲିଜ ପରେ ଚଳଚ୍ଚିତ୍ରକୁ ନେଇ ଅନେକ ଚର୍ଚ୍ଚା ଆରମ୍ଭ ହେ।ଇଛି  । ଜୟଲଳିତାଙ୍କ ଅନେକ ପ୍ରଶଂସକ ଫିଲ୍ମର ଟିଜରକୁ ନେଇ ନାଖୁସ ଥିବା ଜଣାପଡ଼ିଛି  । ଫିଲ୍ମରେ କଙ୍ଗନା ଦର୍ଶକଙ୍କ ଦ୍ୱାରା ଟ୍ରୋଲ ହୋଇଛନ୍ତି । ରୋବଟ୍ ଭଳିଆ ଲାଗୁଥିବା କହିଛନ୍ତି ଦର୍ଶକ । କେହି କେହି ତ କଙ୍ଗନାଙ୍କ ମେକଅପ୍  ଆଉ ଲୁକ୍ ଜୟଲଳିତାଙ୍କ ପ୍ରତି ଅପମାନ ବୋଲି କମେଣ୍ଟ କରିଛନ୍ତି  । ଏଭଳି କି ଜୟଲଳିତାଙ୍କ ଚରିତ୍ର ପାଇଁ କଙ୍ଗାନାଙ୍କୁ ଚୟନ କରିଥିବାରୁ ସମାଲୋଚିତ ହୋଇଛନ୍ତି ଫିଲ୍ମ ନିର୍ଦ୍ଦେଶକ । କଙ୍ଗନାଙ୍କ ବଦଳରେ ବିଦ୍ୟା କିମ୍ୱା ଐଶର୍ଯ୍ୟା ରାୟ ଭଲ ବିକଳ୍ପ ହୋଇଥାନ୍ତା ବୋଲି ମତ ରଖିଛନ୍ତି ସିନେ ସମୀକ୍ଷକ । ଅପରପକ୍ଷେ କଙ୍ଗନାଙ୍କ ଫ୍ୟାନ୍ସଙ୍କୁ ପସନ୍ଦ ଆସିଛି ତାଙ୍କ ନୂଆ ଲୁକ୍  । ତେବେ ଟିଜର ଦେଖୁ ଦେଖୁ ଏତେ ସମାଲୋଚନା ଆଗକୁ କଣ ହେବ ଭାବି ଚିନ୍ତିତ ହେଲେଣି ସିନେପ୍ରେମୀ  ।

କଙ୍ଗନାଙ୍କ ଭଉଣୀ ରଙ୍ଗୋଲି ଚନ୍ଦେଲ କିନ୍ତୁ ସୋସିଆଲ ମିଡ଼ିଆରେ କଙ୍ଗନାକୁ ହାଇ-ସପୋର୍ଟ କରିଛନ୍ତି  । ଜୟଲଳିତାଙ୍କ ଚରିତ୍ର ଅଭିନୟ ପାଇଁ କଙ୍ଗନା ନିଜ ଭିତରେ ଅନେକ ଚେଞ୍ଜ୍ ଆଣିବା ସହ ଅତି ନିଷ୍ଠାର ସହ କାମ କରିଥିବା କୁହନ୍ତି ଭଉଣୀ ରଙ୍ଗୋଲି  । ତେବେ ଏ ମିକ୍ସ ରେସପନ୍ସ ଭିତରେ ଫିଳ୍ମ କେତେ ସଫଳତା ପାଇବ ତାହା ଥଲାଇଭି ରିଲିଜ ପରେ ହିଁ ସ୍ପଷ୍ଟ ହେବ  ।