ବିଜୁଳି ବିଲ ଦେଇ ନାହାନ୍ତି କଙ୍ଗନା, ଘରକୁ ଗଲା ଫାଇନ୍ ସହ ବିଲ୍

ନନ୍ଦିଘୋଷ ବ୍ୟୁରୋ: ବିଜୁଳି ବିଲ ଦେଇ ନାହାନ୍ତି ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରାଣାଓ୍ବତ୍ । ହିମାଞ୍ଚଳ ମଣ୍ଡିରେ ଥିବା ତାଙ୍କ ବାସଭବନକୁ ଗଲା ଫାଇନ ସହ ବିଜୁଳି ବିଲ । ବିଦ୍ୟୁତ ବିଭାଗ କଙ୍ଗନାଙ୍କ ଘରକୁ ଏହି ବିଲ୍ ପଠାଇଛି ।

ହିମାଞ୍ଚଳପ୍ରଦେଶର ମନାଲିରେ ରହିଛି କଙ୍ଗନାଙ୍କ ଘର । ସେ ୧ଲକ୍ଷ ଟଙ୍କାର ବିଜୁଳି ବିଲ ଶୀଘ୍ର ପଇଠ କରିବାକୁ ବିଦ୍ୟୁତ ବିଭାଗ କହିଛି । କେବଳ ଏତିକି ନୁହେଁ ଦୁଇ ମାସର ବିଲ ବାକି ସହ ଫାଇନ ପଡ଼ିଛି ବୋଲି ବିଦ୍ୟୁତ ବିଭାଗ ଅଧିକାରୀ ସନ୍ଦିପ କୁମାର କହିଛନ୍ତି । ସେ ଗତ ଜାନୁଆରୀ ୧୬ ତାରିଖରୁ କୌଣସି ବିଲ ଦେଇ ନାହାନ୍ତି । ମୋଟ ୯୦ ହଜାର ୩୮୪ ଟଙ୍କାର ବିଲ ହୋଇଥିଲାବେଳେ ଫାଇନ୍ ମିଶି ଏହା ୧ଲକ୍ଷ ହୋଇଛି ।