କଙ୍ଗନାଙ୍କୁ ଚାପୁଡ଼ା ମାରିଥିବା ମହିଳା CISF ଯବାନଙ୍କ ବିରୋଧରେ କ’ଣ ହୋଇପାରେ କାର୍ଯ୍ୟାନୁଷ୍ଠାନ ?
1 min read
ଭୁବନେଶ୍ବର: ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାଓ୍ବତଙ୍କୁ ଚଣ୍ଡିଗଡ଼ ଏୟାରପୋର୍ଟରେ ଚାକୁଡ଼ା ମାରିଥିବା CISFର ମହିଳା ଯବାନ କୁଲବିନ୍ଦର କୌରଙ୍କୁ ଗିରଫ କରାଯାଇଛି । ଘଟଣାକୁ ନେଇ ତାଙ୍କୁ ପଚରାଉଚରା ଚାଲିଛି । ତେବେ ପ୍ରଶ୍ନ ଉଠୁଛି, ଚାପୁଡ଼ା ମାରିବା ପାଇଁ କି ଦଣ୍ଡ ରହିଛି । ଜଣେ ସୁରକ୍ଷା କର୍ମୀ ଭାବେ କାମ କରୁଥିବାରୁ ମହିଳା ଯବାନଙ୍କ ବିରୋଧରେ କି କାର୍ଯ୍ୟାନୁଷ୍ଠାନ ନିଆଯାଇପାରି ? ଏଥିପାଇଁ ତାଙ୍କୁ ଜେଲ କି ଜରିମାନା ଦେବାକୁ ପଡ଼ିବ କି ? ଏସବୁ ପ୍ରଶ୍ନ ଏବେ ଲୋକଙ୍କ ମନରେ ଉଙ୍କି ମାରୁଥିବା ବେଳେ ଆସନ୍ତୁ ଜାଣିବା ଚାପୁଡ଼ା ମାରିଲେ କେଉଁ ପ୍ରକାର ଦଣ୍ଡ ମିଳିବାର ନିୟମ ରହିଛି ।
ଚାପୁଡ଼ା ମରାର ଦଣ୍ଡ କ’ଣ ?
ସୁପ୍ରିମକୋର୍ଟ ଆଇନଜୀବୀ ଆଶିଷ ପାଣ୍ଡେଙ୍କ ଅନୁସାରେ, ଚାପୁଡ଼ା ମାରିବା ସ୍ଥିତିକୁ ନେଇ ଆଇପିସିର ଅଲଗା ଅଲଗା ଧାରା ଲାଗି ପାରିବ । ଏହା ନିର୍ଭର କରେ କି କେଉଁ ପରିସ୍ଥିତିରେ ଚାପୁଡ଼ା ମରାଯାଇଛି । ଚାପୁଡ଼ା ମାରିବା ଅପରାଧ ଶ୍ରେଣୀରେ ଆସିଥାଏ । ଏଥିପାଇଁ ଆଇପିସି ଧାରା ୩୨୩ରେ ମାମଲା ରୁଜୁ କରାଯିବା ସହ କାର୍ଯ୍ୟାନୁଷ୍ଠାନ ନିଆଯାଇପାରିବ । ଆଇପିସି ଧାରା ୩୨୩ ଅନୁସାରେ, ଯଦି କେହି ଜାଣିଶୁଣି ଅନ୍ୟକୁ କ୍ଷତିରେ ପକାଏ କିମ୍ବା ଆହତ କରେ ତେବେ ତାଙ୍କୁ ଗୋଟିଏ ବର୍ଷ ଜେଲ ହେବାର ନିୟମ ରହିଛି । ଏହାସହ ହଜାରେ ଟଙ୍କାର ଜରିମାନା ମଧ୍ୟ ହୋଇପାରେ । ଅଥବା ଜେଲ ସହ ଜରିମାନା ମଧ୍ୟ ହୋଇପାରେ ।
ଯଦି କୌଣସି ବ୍ୟକ୍ତି ଅସଦାଚରଣ କରିଥିବେ ଓ ଏହାର ପ୍ରତିବାଦରେ ସମ୍ମୁଖ ବ୍ୟକ୍ତି ଚାପୁଡ଼ା ମାରିଥିବେ ତେବେ ଦଣ୍ଡ ପରିବର୍ତ୍ତେ ଅଭିଯୋଗକୁ ନାକଚ କରି ଦିଆଯାଇପାରେ ।
ଯଦି କୌଣସି ବ୍ୟକ୍ତି ଅନ୍ୟକୁ ଡରାଇବାକୁ ଆକ୍ରମଣ କରିଥାଏ ଓ ଏଥିରେ କାହାର କୌଣସି କ୍ଷତି ହୋଇ ନଥାଏ ହେଲେ ପୀଡ଼ିତା ଡରିଯାଏ ତେବେ ଅଭିଯୁକ୍ତଙ୍କୁ ସେକ୍ସନ ୩୫୮ରେ ଦୋଷୀ ବିବେଚନା କରାଯାଇଥାଏ ।
ଆଇପିସି ଧାରା ୩୫୨ ଅନୁସାରେ ବିନା କୌଣସି କାରଣରେ ଯଦି ଜଣେ ଅନ୍ୟକୁ ଆକ୍ରମଣ କରେ ତେବେ ତାଙ୍କୁ ୩ ମାସ ପର୍ଯ୍ୟନ୍ତ ଜେଲ ଦଣ୍ଡ ଓ ୫୦୦ ଟଙ୍କା ପର୍ଯ୍ୟନ୍ତ ଜରିମାନା ଲାଗିପାରେ । ଏପରିକି ଉଭୟ ଜେଲ ଦଣ୍ଡ ସହ ଜରିମାନା ବି ଲାଗିପାରେ ।
CISF ଯବାନଙ୍କୁ କେତେ ଦଣ୍ଡ ମିଳିବ ?
ଆଇନଜୀବୀ ପାଣ୍ଡଙ୍କ ଅନୁସାରେ, କଙ୍ଗନାଙ୍କ ମାମଲାରେ ଏହାର ମଧ୍ୟ ଯାଞ୍ଚ ହେବା ଦରାକାର ଯେ ମହିଳା ଯବାନଙ୍କ ପାଖରେ କୌଣସି ହସ୍ତ୍ରଶସ୍ତ୍ର ଥିଲା କି ? କଙ୍ଗନାଙ୍କୁ ଚାପୁଡ଼ା ମାରିବା ପରେ ତାଙ୍କୁ ଅଧିକ କ୍ଷତି ପହଞ୍ଚାଇବାର କୌଣସି ଯୋଜନା ଥିଲା କି ? କାର୍ଯ୍ୟରତ ଥିବା ବେଳେ ଚାପୁଡ଼ା ମରିବା ମଧ୍ୟ ତଦନ୍ତରେ ମୁଖ୍ୟ ଆଧାର ହୋଇପାରେ । ଏହାସହ ଚାକିରିରେ ଜଡ଼ିତ କାର୍ଯ୍ୟାନୁଷ୍ଠାନ ମଧ୍ୟ ନିଆଯାଇପାରେ । ହେଲେ କାର୍ଯ୍ୟାନୁଷ୍ଠାନ କେତେ ହେବ ତାହା ଯାଞ୍ଚ ରିପୋର୍ଟ ଆସିବା ପରେ ଜଣାପଡିବ ।
