ସୁଶାନ୍ତଙ୍କୁ ବ୍ୟବସ୍ଥିତ ଢଙ୍ଗରେ କରାଯାଉଥିଲା ଟର୍ଚର: ପ୍ରମାଣ ସହ ଭିଡିଓ ଜାରି କଲେ କଙ୍ଗନା

ମୁମ୍ୱାଇ: ବଲିଉଡ୍‌ କୁଇନ୍ କଙ୍ଗନା ରଣାଓ୍ୱତ ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ନେଇ ପୁଣି ଏକ ଭିଡିଓ ଜାର କରିଛନ୍ତି । ସେ ଏଥର ମିଡିଆକୁ ଆକ୍ଷେପ କରିଛନ୍ତି । କଙ୍ଗନା କିଛି ମିଡିଓ ରିପୋର୍ଟର ଉଦାହରଣ ଦେଇ ସୁଶାନ୍ତଙ୍କୁ ବ୍ୟବସ୍ଥିତ ଢଙ୍ଗରେ ବିରକ୍ତ କରାଯାଇଥିବା ସେ ଆଭିଯୋଗ ଆଣିଛନ୍ତି ।

ସୁଶାନ୍ତଙ୍କ ବାପା , ଅଙ୍କିତା ଲାଖୋଣ୍ଡେ, ନିର୍ଦ୍ଦେଶକ ଅଭିଷେକ କପୂରଙ୍କ ବୟାନକୁ ପଢ଼ି ଶୁଣାଇବା ସହ ସେମାନଙ୍କୁ ମଧ୍ୟ ସମାନ ବିଶ୍ୱାସ ଥିବା କହିଛନ୍ତି । ସୁଶାନ୍ତଙ୍କୁ ଧିରେ ଧିରେ ନିୟମିତ ଭାବେ ଟର୍ଚର କରାଯାଉଥିଲା । ଏଥିସହିତ ସୁଶାନ୍ତଙ୍କ ବିରୋଧରେ ଛପା ଯାଇଥିବା କିଛି ରିପୋର୍ଟ ସମ୍ପର୍କରେ ସୂଚିତ କରାଇଛନ୍ତି ।

ସେ କହିଛନ୍ତି କିଛି ରିପୋର୍ଟରେ ତାଙ୍କ ନାଁ ନନେଇ ତାଙ୍କ ବିରୋଧରେ ମିଛ ଖବର ଛାପାଯାଇଛି  । ଗୋଟିଏ ରିପୋର୍ଟରେ ସୁଶାନ୍ତ ଟ୍ରକ ଡ୍ରାଇଭର ଭଳି ଲାଗନ୍ତି ବୋଲି ପ୍ରକାଶ ପାଇଥିବା ବେଳେ ଅନ୍ୟ ଏକ ରିପୋର୍ଟରେ ସେ ଯେତେବେଳେ ଶାରିରୀକ ସମ୍ପର୍କ ରଖନ୍ତି ସେ କେବଳ  ନିଜ ଗୀତ ହିଁ ଶୁଣନ୍ତି ।

https://www.facebook.com/TeamKanganaRanautOfficial/videos/1177870719218828/?v=1177870719218828

ଏଭଳି କି ସୁଶାନ୍ତ ଜଣେ ସହଅଭିନେତ୍ରୀଙ୍କ ସହ ଦୁଷ୍କର୍ମ କରିଛନ୍ତି ଏବଂ ବର୍ତ୍ତମାନ ମି ଠୁ କ୍ୟାମ୍ପେନ ଚାଲିଥିବାରୁ ସେ ଖୁବଶୀଘ୍ର ଜେଲ୍‌ ମଧ୍ୟ ଯାଇପାରନ୍ତି, ଭଳି ମିଛ ଖବର ଛପାଯାଇଥିବା କହିଛନ୍ତି କଙ୍ଗନା । ତେବେ ସିଧାସଳଖ ତାଙ୍କ ନାମ ନିଆଯାଇନଥିବାରୁ ସେ ମଧ୍ୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିପାରନ୍ତିନି ବୋଲି କହିଛନ୍ତି କଙ୍ଗନା ।