CAA ବିରୋଧରେ ସାଉଥର ଦୁଇ ବଡ ସୁପରଷ୍ଟାର

ନୂଆଦିଲ୍ଲୀ: ଦେଶରେ ସିଏଏ ଲାଗୁ ହେବା ପରେ ଏହାକୁ ନେଇ ବିବାଦ ଦେଖାଦେଇଛି। କେନ୍ଦ୍ର ସରକାରଙ୍କ ଏହି ନିଷ୍ପତ୍ତିକୁ ସମସ୍ତ ବିରୋଧୀ ଦଳ ବିରୋଧ କରୁଛନ୍ତି। ଏବେ ଏହି ତାଲିକାରେ ସାଉଥର ଦୁଇ ବଡ ବଡ ସୁପରଷ୍ଟାର ମଧ୍ୟ ସାମିଲ ହୋଇଛନ୍ତି। ସୁପରଷ୍ଟାର ଥଲପତି ବିଜୟ ଏବଂ ତାମିଲ ସୁପରଷ୍ଟାର କମଲ ହାସନ ଏହାକୁ ବିରୋଧ କରିବା ସହ କଡା ସମାଲୋଚନା କରିଛନ୍ତି ।

CAA  ସମ୍ପର୍କରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି କମଲ ହାସନ ଏବଂ ଥଲପତି ବିଜୟ । କମଲ ହାସନ କହିଛନ୍ତି ଯେ,  ମୁଁ ଏହି ବିଲ୍ ବିପକ୍ଷରେ ରହିଛି। ଏହା ଭାରତ ପାଇଁ ଅନ୍ଧାକାରର ଦିନ କହି କଡା ସମାଲୋଚନା କରିଛନ୍ତି ।

ନିକଟରେ ଅଭିନୟରୁ ରାଜନୀତିରେ ଏଣ୍ଟ୍ରି କରିଥିବା ଥଲପତି ବିଜୟ ସିଏଏକୁ ବିରୋଧ କରିବା ସହ ମୋଦି ସରକାରଙ୍କ ଉପରେ ବର୍ଷିଛନ୍ତି। ଥଲପତି ବିଜୟ ଏହି ନାଗରିକତା ସଂଶୋଧନ ବିଲ୍‌କୁ ବେକାର୍‌ ତଥା ଫାଲତୁ ବୋଲି କହିଛନ୍ତି। ଏଥିସହ ତାମିଲନାଡୁରେ ଏହି ସିଏଏକୁ ଲାଗୁ ନକରିବା ପାଇଁ ସେ ରାଜ୍ୟ ସରକାରଙ୍କୁ ଅପିଲ କରିଛନ୍ତି।