କାଳୁ କମ୍ପନରେ ଥରଥର ଓଡ଼ିଶା ବିଜେପି

ଭୁବନେଶ୍ବର: କାଳୁ କମ୍ପନରେ ଥରଥର ଓଡ଼ିଶା ବିଜେପି । ଇସ୍ତଫା ଦେବାକୁ ଯାଇଥିବା କାଳୁ ଖଣ୍ଡାୟତରାୟଙ୍କୁ ସମୟ ମାଗିଲା ଦଳ । ରାଜ୍ଯ ବିଜେପି ସଭାପତି ୪୮ ଘଣ୍ଚା ସମୟ ମାଗିଥିବା ସୂଚନା ମିଳିଛି । ଖୋର୍ଦ୍ଧାରୁ ପ୍ରଶାନ୍ତ ଜଗଦ୍ଦେବଙ୍କୁ ବିଜେପି ପ୍ରାର୍ଥୀ କରିବା ପରେ ଗତକାଲି ଶକ୍ତି ପ୍ରଦର୍ଶନ କରି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କୁ କଡ଼ା ସମାଲୋଚନା କରିଥିଲେ କାଳୁ । ୨ କୋଟି ଟଙ୍କା ନଦେବାରୁ ଅପରାଜିତା ଟିକେଟ କାଟିଥିବା କାଳୁ ଆଣିଥିଲେ ସଂଗୀନ ଅଭିଯୋଗ । ଅପରାଜିତାଙ୍କୁ ଜଣେ ଲାଞ୍ଚୁଆ ନେତ୍ରୀ କହିବା ସହ ଏଥର ନିର୍ବାଚନ ଜିତିବା ତାଙ୍କ ପାଇଁ ସମ୍ଭବ ନୁହେଁ ବୋଲି କାଳୁ ଚେତାବନୀ ଦେଇଥିଲେ । ଆଜି କର୍ମୀଙ୍କ ସହ ପାର୍ଟି ଅଫିସକୁ ଇସ୍ତଫା ଦେବାକୁ ଯାଇଥିବାବେଳେ  ଦଳୀୟ ନେତା ତାଙ୍କୁ ଅଟକାଇବା ସହ ରାଜ୍ଯ ସଭାପତି ନିଷ୍ପତ୍ତିର ପୁନଃବିଚାର ପାଇଁ ୪୮ ଘଣ୍ଟା ସମୟ ଲାଗିଥିବା ସୂଚନା ମିଳିଛି । ସେ ବିଜେପିରେ ରହିବେ କି ନାହିଁ ୪୮ ଘଣ୍ଟା ପରେ ସ୍ପଷ୍ଟ ହେବ ବୋଲି କାଳୁ କହିଛନ୍ତି । ପ୍ରାର୍ଥୀ ନବଦଳିରେ ସ୍ବାଧୀନ ଭାବେ ଲଢିବେ ବୋଲି କାଳୁ ସ୍ପଷ୍ଟ କରିଛନ୍ତି ।