ପୁଣି ଭାରତକୁ ମିଳିଲା ୨୦୨୩ ବିଶ୍ୱକପ ଆୟୋଜନର ଅନୁମତି: ‘କଳିଙ୍ଗ’ ହୋଇପାରେ ପ୍ରମୁଖ ଭେନ୍ୟୁ

1 min read

ଭୁବନେଶ୍ୱର:  ପୁଣି କଳିଙ୍ଗରେ ଦେଖିବାକୁ ମିଳିବ ହକି ଫିବର୍ । ହକି ରଙ୍ଗରେ ରଙ୍ଗାୟତ ହେବ ରାଜଧାନୀ ଭୁବନେଶ୍ୱର। କଳିଙ୍ଗରେ କମାଲ କରିବେ ବିଶ୍ୱର ବଛା ବଛା ଟିମ୍ । ପୁଣି ଥିରେ ବ୍ୟାକ୍ ଟୁ ବ୍ୟାକ୍ ହକି ବିଶ୍ୱକପ ଖେଳାଯିବ ଭୁବନେଶ୍ୱର କଳିଙ୍ଗ ଷ୍ଟାଡ଼ିୟମରେ । ଲଗାତର ବିଶ୍ୱକପ ଆୟୋଜନ କରିବାର ରେକର୍ଡ ସୃଷ୍ଟି କରିବାକୁ ଯାଉଛି କଳିଙ୍ଗ ଷ୍ଟାଡ଼ିୟମ । ଏଭଳ କିଛି ସଙ୍କେତ ମିଳି ସାରିଛି।

FILE PHOTO

ଭାରତ ୨୦୨୩ ପୁରୁଷ ହକି ବିଶ୍ୱକପ ଆୟୋଜନ କରିବାକୁ ଯାଉଛି । ଯାହା ୨୦୨୩ ଜାନୁଆରି ୧୩ରୁ ଆରମ୍ଭ ହେବ ଏବଂ ଜାନୁଆରୀ ୨୯ରେ ଫାଇନାଲ ମ୍ୟାଚ୍‌ ଖେଳାଯିବ । ଭାରତ ୪ର୍ଥ ଥର ପାଇଁ ହକି ବିଶ୍ୱକପ୍‌ ଆୟୋଜନ କାରିବାକୁ ଯାଉଛି । ହକି ବିଶ୍ୱକପ ଆୟୋଜନ ପାଇଁ ଭାରତ ସମେତ ୩ଟି ଦେଶ ଆବେଦନ କରିଥିଲେ । ହେଲେ ଓଡ଼ିଶା ହକି ପୁରୁଷ ବିଶ୍ୱକପ୍‌-୨୦୧୮ର ସଫଳତା ଯୋଗୁ ପୁଣି ଥରେ ଭାରତକୁ ବିଶ୍ୱକପ ଆୟୋଜନ କରିବାକୁ ଅନୁମତି ମିଳିଛି ।ଗତ ବର୍ଷ ଭାରତ ୧୪ତମ ସଂସ୍କରଣର ପୁରୁଷ ହକି ବିଶ୍ୱକପ୍‌ ଆୟୋଜନ କରିଥିଲା। ଏହି ଟୁର୍ଣ୍ଣାମେଣ୍ଟ ଓଡ଼ିଶାର ଭୁବନେଶ୍ୱରସ୍ଥିତ କଳିଙ୍ଗ ଷ୍ଟାଡିୟମ୍‌ରେ ଖେଳାଯାଇଥିଲା । ଯେଉଁ ବିଶ୍ୱକପ ସାରା ବିଶ୍ୱକୁ ଚମକାଇ ଦେଇଥିଲା । ଏଭଳି ବିଶ୍ୱକପ ପୂର୍ବରୁ କେବେ କେହି ଦେଖିନଥିବା କଥା ଖୋଦ ଅନ୍ତର୍ଜାତୀୟ ହକି ଫେଡରେସନ ସ୍ୱୀକାର କରିଥିଲା । ଏଥିପାଇଁ ଓଡ଼ିଶା ସରକାରଙ୍କୁ ଅନେକ ପ୍ରଶଂସା ମଧ୍ୟ ମିଳିଥିଲା । ଯାହାର ଫଳସୁରପ ପୁଣି ଥରେ ଭାରତକୁ ପୁରୁଷ ହକି ବିଶ୍ଵକପ ଆୟୋଜନର ଭାର ଦିଆଯାଇଛି ।

FILE PHOTO

ସେପଟେ ଭାରତରେ ହକି ବିଶ୍ୱକପ ହେଲେ ପୁଣି ଥରେ କଳିଙ୍ଗ ଷ୍ଟାଡିୟମରେ ଏହା ଅନୁଷ୍ଠିତ ହୋଇପାରେ। ସବୁ ଦୃଷ୍ଟିରୁ ଭାରତର ଅନ୍ୟ ସହର ତୁଳନାରେ ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଉନ୍ନତ ଓ ଅତ୍ୟାଧୁନିକ ଭିତ୍ତିଭୂମି ଅଛି। ଏହା ସହ 2018 ବିଶ୍ୱକପ ଆୟୋଜନର ଅଭିଜ୍ଞତା ମଧ୍ୟ ରହିଛି। ତେଣୁ ବିଶ୍ୱକପ ଆୟୋଜନ ରେସରେ କଳିଙ୍ଗ ଷ୍ଟାଡିୟମ ସର୍ବାଗେ ରହିଛି ବୋଲି ଅନେକ ହକି ବିଶେଷଜ୍ଞ ମତ ରଖିଛନ୍ତି। ଭାରତରେ ଏଯାଏଁ ୩ଟି ପୁରୁଷ ହକି ବିଶ୍ୱକପ୍‌ ଖେଳାଯାଇଛି। ମୁମ୍ବାଇରେ ୧୯୮୨, ନୂଆଦିଲ୍ଲୀରେ ୨୦୧୦ ଓ ଭୁବନେଶ୍ୱରରେ ୨୦୧୮ରେ ପୁରୁଷ ହକି ବିଶ୍ୱକପ୍‌ ଆୟୋଜନ ହୋଇଛି ।

FILE PHOTO

 

  ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.