କାଳିଆର ସ୍ୱାସ୍ଥ୍ୟାବସ୍ଥା ଗୁରୁତର, ଆଗାମୀ ୨୪ ଘଣ୍ଟା ଗୁରୁତ୍ୱପୂର୍ଣ୍ଣ

କଟକ: କାଳିଆ-ବଳିଆ ଅସ୍ତ୍ରୋପଚାର ଓଡ଼ିଶାରେ ଏକ ଚର୍ଚ୍ଚିତ ଖବର । ସଫଳ ଅସ୍ତ୍ରୋପଚାର ପରେ ସେମାନଙ୍କ ସ୍ୱାସ୍ଥ୍ୟାବସ୍ଥା ସ୍ୱାଭାବିକ ଥିଲା । ଏବେ ଏସସିବିରେ କାଳିଆର ସ୍ୱାସ୍ଥ୍ୟାବସ୍ଥା ଖରାପ ଥିବା ସୂଚନା ମିଳିଛି । ଡାକ୍ତର ସୁଧାଂଶୁ ଶେଖରଙ୍କ ନେତୃତ୍ୱରେ ଏହି ଚିକିତ୍ସା ଚାଲିଛି । ମିଳିଥିବା ସୂଚନା ଅନୁଯାୟୀ, ଆଜି ସକାଳୁ କାଳିଆର ସ୍ୱାସ୍ଥ୍ୟ ବିଗିଡ଼ିବାରେ ଲାଗିଥିଲା । ଏହାପରେ ତୁରନ୍ତ କାଳିଆକୁ ପ୍ରଥମେ ଆଇସିୟୁ ଓ ପରେ ଭେଣ୍ଟିଲେଟରେ ଭର୍ତ୍ତି କରାଯାଇଥିଲା । ଆସନ୍ତା ୨୪ ଘଣ୍ଟା ପାଇଁ କାଳିଆ ସ୍ୱାସ୍ଥ୍ୟାବସ୍ଥାକୁ ନେଇ ଅନେକ ଆଶଙ୍କା ଥିବା ଡାକ୍ତରୀ ଟିମ୍ କହିଛନ୍ତି ।  ଏସସିବିର ନ୍ୟୁରୋ ସର୍ଜରୀ ବିଭାଗ ପକ୍ଷରୁ ଏଭଳି ସୂଚନା ଦିଆଯାଇଛି । ଏହାପୂର୍ବରୁ ସେ ଏମ୍ସରେ ଫେରିଥିଲେ, ଏବେ ଏସସିବିରେ ଚିକିତ୍ସାଧୀନ ରହିଛନ୍ତି ।