CSIRର ପ୍ରଥମ ମହିଳା ମହାନିର୍ଦ୍ଦେଶିକା ଭାବେ କଲାଇସେଲଭିଙ୍କୁ ଦାୟିତ୍ବ
1 min read
ନୂଆଦିଲ୍ଲୀ: ପ୍ରଥମ ଥର ବୈଜ୍ଞାନିକ ଓ ଶିଳ୍ପ ଗବେଷଣା ପରିଷଦ ବା ସିଏସଆଇଆରର ମହାନିର୍ଦ୍ଦେଶକ ହୋଇଛନ୍ତି ଜଣେ ମହିଳା । ଦେଶର ୩୮ଟି ପ୍ରମୁଖ ଗବେଷଣା ପ୍ରତିଷ୍ଠାନକୁ ଗଠିତ ସିଏସଆଇଆରର ମହାସଚିବ ହୋଇଛନ୍ତି ନାଲାଥାମ୍ବି କଲାଇସେଲଭି । ଲିଥିଅମ ଆୟନ ବ୍ୟାଟେରୀ କ୍ଷେତ୍ରରେ ଯଥେଷ୍ଟ ଅଭିଜ୍ଞତା ହାସଲ କରିଥିବା କଲାଇସେଲଭି ବର୍ତ୍ତମାନ ସିଏସଆଇଆର-ସେଣ୍ଟ୍ରାଲ ଇଲେକ୍ଟ୍ରୋନିକାଲ ରିସର୍ଚ୍ଚ ଇନଷ୍ଟିଚ୍ୟୁଟର ନିର୍ଦ୍ଦେଶିକା ଅଛନ୍ତି ।
ଏହାସହ ସେ ବୈଜ୍ଞାନିକ ଓ ଶିଳ୍ପ ଗବେଷଣା ବିଭାଗର ସଚିବ ଦାୟିତ୍ବ ମଧ୍ୟ ତୁଲାଇବେ । ଦୁଇ ବର୍ଷ ଲାଗି ସେ ଏହି ଦାୟିତ୍ବରେ ରହିବେ । ସେ ବିଭିନ୍ନ ଗବେଷଣା ପ୍ରକଳ୍ପରେ ୨୫ ବର୍ଷ ଧରି କାମ କରି ଅଜସ୍ର ଅଭିଜ୍ଞତା ହାସଲ କରିଛନ୍ତି । ଲିଥିଅମ, ସୁପରକାପାସିଟର, ଇଲକ୍ଟ୍ରୋଡ, ଇଲେକ୍ଟ୍ରୋଲାଇଟ ଆଦି କ୍ଷେତ୍ରରେ ବି ସେ କାର୍ଯ୍ୟ କରିଛନ୍ତି ।
