ମୂର୍ତ୍ତି ତିଆରିରେ ବ୍ୟସ୍ତ କାରିଗର

ନନ୍ଦିଘୋଷ ବ୍ୟୁରୋ: ଆସୁଛି ଗଣେଶ ପୂଜା । କଳାହାଣ୍ଡି ଜିଲ୍ଲା ଧର୍ମଗଡରେ ଗଜାନନଙ୍କ ଭଳିକି ଭଳି ମୂର୍ତ୍ତି ତିଆରିରେ ନିମଗ୍ନ କାରିଗର । କିଏ ମୂର୍ତ୍ତିରେ ରଙ୍ଗ ଦେଉଛନ୍ତି ତ, କିଏ ମାଟିର ପ୍ରଲେପ ଦେଉଛନ୍ତି । ତେବେ ପ୍ରମୁଖ ଆକର୍ଷଣ ସାଜିଛି ଶଗଡ ଉପରେ ବସିଥିବା ଗଣେଶ ବା ଚଷା ଗଣେଶ । ବୌଦ୍ଧ ଜିଲ୍ଲା କଣ୍ଟାମାଳର ବିଭିନ୍ନ ଅଞ୍ଚଳରେ ମଧ୍ଯ ଜୋରଦାର ଚାଲିଛି ମୂର୍ତ୍ତି ନିର୍ମାଣ ।

ଶ୍ରାବଣରେ ପାର୍ବଣ ଋତୁର ମହକ । ଆସୁଛି ଗଣେଶ ପୂଜା । ଚଳଚଞ୍ଚଳ ମୂର୍ତ୍ତି କାରିଗର । କଳାହାଣ୍ଡି ଜିଲ୍ଲା ଧର୍ମଗଡରେ ଗଜାନନଙ୍କ ଭଳିକି ଭଳି ମୂର୍ତ୍ତି ତିଆରିରେ ନିମଗ୍ନ କାରିଗର । କିଏ ମୂର୍ତ୍ତିରେ ରଙ୍ଗ ଦେଉଛନ୍ତି ତ, କିଏ ମାଟିର ପ୍ରଲେପ ଦେଉଛନ୍ତି । ଗ୍ରାହକଙ୍କ ଇଚ୍ଛା ଅନୁସାରେ ଚାଲିଛି ମୂର୍ତ୍ତି ତିଆରି । ସିଂହ ଉପରେ ଗଣେଶ, ମୟୂର ଉପରେ ଗଣେଶ, ବୃକ୍ଷ ତଳେ ଗଣେଶ, ଶଙ୍ଖ ଉପରେ ଗଣେଶ ଭଳି ୫୦ରୁ ଅଧିକ ପ୍ରକାର ମୂର୍ତ୍ତି ତିଆରି କରି ଗ୍ରାହକଙ୍କ ମନ ଜିଣିବାକୁ ଚେଷ୍ଟା କରୁଛନ୍ତି କାରିଗର । ସବୁଠାରୁ ମୁଖ୍ଯ ଆକର୍ଷଣ ସାଜିଛି ଶଗଡ ଉପରେ ବସିଥିବା ଗଣେଶ ବା ଚଷା ଗଣେଶ । ଦୁଇ ଶହ ଟଙ୍କାରୁ ଆରମ୍ଭ କରି ୨୦ ହଜାର ଟଙ୍କା ପର୍ଯ୍ଯନ୍ତ ରହିଛି ମୂର୍ତ୍ତିର ଦାମ । ତେବେ ଚଳିତ ବର୍ଷ ଭଲ ବ୍ଯବସାୟ ନେଇ ଆଶା ରଖିଛନ୍ତି କାରିଗର ।

ସେପଟେ ବୌଦ୍ଧ ଜିଲ୍ଲା କଣ୍ଟାମାଳର ବିଭିନ୍ନ ଅଞ୍ଚଳରେ ଜୋରଦାର ଚାଲିଛି ମୂର୍ତ୍ତି ନିର୍ମାଣ । ଗ୍ରାହକଙ୍କ ଚାହିଦା ଅନୁସାରେ ତିଆରି ହେଉଛି ବିଭିନ୍ନ ମୂର୍ତ୍ତି । କାରିଗର ମାନେ ଦିନରାତି ଲାଗିପଡିଛନ୍ତି ମୂର୍ତ୍ତି ତିଆରିରେ । କିଏ ମୂର୍ତ୍ତିକୁ ଶେଷ ସ୍ପର୍ଶ ଦେଉଛନ୍ତି ତ, କିଏ ମୂର୍ତ୍ତିରେ ମାଟିର ପ୍ରଲେପ ଦେଉଛନ୍ତି । ଏଠାକାର କାରିଗରଙ୍କ ମୂର୍ତ୍ତିର ଚାହିଦା ଭଲ ଥିବାରୁ ପୂଜା କମିଟିର ସଦସ୍ଯ ମାନେ କାରିଗରଙ୍କୁ ମୂର୍ତ୍ତିପାଇଁ ଆଗୁଆ ବଇନା ଦେଇ ଯାଉଥିବା ନେଇ କହିଛନ୍ତି । ଶିଳ୍ପ ଓ ଶିଳ୍ପୀ ଆର୍ଥିକ ଅଭିବୃଦ୍ଧିର ମୂଳଦୁଆ ହୋଇଥିବା ବେଳେ ଆଜି ବି ଓଡ଼ିଶାର ବିଭିନ୍ନ କଳା କୃତିର ମୂର୍ତ୍ତି ଜିଲ୍ଲା ତଥା ଜିଲ୍ଲା ବାହାରେ ପଡୋଶୀ ଛତିଶଗଡ଼ରେ ସୁନାମ ଆଣିଛି l