ଘରେ ପଶିଲେ, ବନ୍ଧୁକ ଦେଖାଇ ୪୦ ଭରି ସୁନା ଗହଣା ଲୁଟିଲେ

କଳାହାଣ୍ଡି: ବନ୍ଧୁକ ମୁନରେ ଲୁଟ୍ । ମଧ୍ୟରାତ୍ରିରେ ଘରେ ପଶି ଲୁଟି ନେଲେ ୪୦ ଭରି ସୁନା ଗହଣା, ଟଙ୍କା, ବୁଲେଟ ଓ ଟିଭି l କଳାହାଣ୍ଡି ଜିଲ୍ଲା କୋକସରା ଥାନା ମୋଟର ଗାଁ ରେ ଘଟିଛି ଏହି ବଡ଼ ଧରଣର ଲୁଟ୍ l ଯଯାତୀ ପାଟ୍ଟଯୋଶୀଙ୍କ ଘରୁ ଲୁଟି ନେଇ ଦୁର୍ବୃତ୍ତ ଫେରାର l ବିଭିନ୍ନ ମାରଣାସ୍ତ୍ର ଦେଖାଇ ପରିବାରକୁ ଭୟଭୀତ କରିଥିଲେ । ପରିବାର ଲୋକଙ୍କୁ ଜମାନ ବନ୍ଧି ରଖିବା ସହ ୫ରୁ ଅଧିକ ଡକାୟତ ଅଧ ଘଣ୍ଟା ଧରି ଫିଲ୍ମ ଷ୍ଟାଇଲରେ ଲୁଟ୍ କରିଥିବା ଅଭିଯୋଗ ହୋଇଛି l ଘରର କବାଟ ଭାଙ୍ଗିବା ସହ କୁକୁରକୁ ଆକ୍ରମଣ କରି ଲୁଟ୍ କରିଛନ୍ତି ଦୁର୍ବୃତ୍ତ । କୋକସରା ପୋଲିସ ଓ ଉପଖଣ୍ଡ ପୋଲିସ ଅଧିକାରୀଙ୍କ ମିଳିତ ତଦନ୍ତ ଜାରି ରହିଛି ।