ଟ୍ରାକ୍ଟର ଛାଡିବାକୁ ଲାଞ୍ଚ ନେବା ବେଳେ ଏଏସ୍ଆଇ ଗିରଫ
kalahandi asi arrested over taking bribe
କଳହାଣ୍ଡି: କଳାହାଣ୍ଡିର ଲାଞ୍ଚୁଆ ପୋଲିସ୍ ବାବୁ ଗିରଫ ହୋଇଛନ୍ତି । କଳହାଣ୍ଡି ଥୁଆମୂଳ ରାମପୁର ଥାନା ମହୁଲପାଟଣା ଫାଣ୍ଡି ଏଏସ୍ଆଇ ମଳୟ ରାଣା ଲାଞ୍ଚ ନେବା ବେଳେ ଗିରଫ ହୋଇଛନ୍ତି । ଏକ ଦୁର୍ଘଟଣାଗ୍ରସ୍ତ ଟ୍ରାକ୍ଟର ରିଲିଜ ପାଇଁ ୫ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ତାଙ୍କୁ ଗିରଫ କରିଛି । ସୂଚନା ଅନୁସାରେ ସ୍ଥାନୀୟ ଅଞ୍ଚଳର ମହେଶ୍ୱର ସାହୁଙ୍କ ଟ୍ରାକ୍ଟର ଦୁର୍ଘଟଣା ହୋଇଥିଲା ।
ଦୁର୍ଘଟଣାଗ୍ରସ୍ତ ପରେ ପୋଲିସ ଟ୍ରାକ୍ଟର ଜବତ କରିଥିଲା । ଜବତ ଟ୍ରାକ୍ଟର ରିଲିଜ୍ ପାଇଁ ଏଏସ୍ଆଇ ଟଙ୍କା ଦାବି କରିଥିଲେ । ଏନେଇ ଭିଜିଲାନ୍ସ ପାଖରେ ଅଭିଯୋଗ ହୋଇଥିଲା । ପରେ ଭିଜିଲାନ୍ସ ଡିଏସ୍ପିଙ୍କ ନେତୃତ୍ୱରେ ଏକ ଟିମ୍ ତାଙ୍କୁ ଘଟଣାସ୍ଥରେ ପହଞ୍ଚି ତାଙ୍କୁ ଗିରଫ କରିଥିଲା ।
