କାକଟପୁର: ବିଜେପିରେ ବଢୁଛି ବିଦ୍ରୋହ । କାକଟପୁର ବିଜେପି ବିଧାୟକ ପ୍ରାର୍ଥୀଙ୍କ ଉପସ୍ଥିତରେ ବିଜେପି କର୍ମୀଙ୍କ ଗଣ୍ଡଗୋଳ। କାକଟପୁର ନିର୍ବାଚନ ମଣ୍ଡଳୀରେ ବିଜେପି ପ୍ରାର୍ଥୀ ବାଇଧର ମଲ୍ଲିକଙ୍କ ନାମ ଘୋଷଣା ହେବା ପରେ ବିଜେପି କର୍ମୀ ବିଭିନ୍ନ ସ୍ଥାନରେ ପ୍ରାର୍ଥୀ ପରିବର୍ତନ ପାଇଁ ଦାବି କରିଛନ୍ତି । ରବିବାର ଯୋଗେଶ୍ୱର ମହାବୀର କଲ୍ୟାଣୀ ମଣ୍ଡପରେ ବିଜେପି ପ୍ରାର୍ଥୀ ବାଇଧର ମଲ୍ଲିକ ନେତୃତ୍ୱରେ ଆଠଟି ମଣ୍ଡଳର କର୍ମକର୍ତାଙ୍କୁ ନେଇ ଏକ ବୁଥ୍ ସ୍ତରୀୟ ବୈଠକ ଚାଲିଥିବା ବେଳେ କିଛି ବିଜେପି କର୍ମୀ ବିରୋଧ କରିବା ସହ ବାଇଧର ମଲ୍ଲିକ ଙ୍କ ଟିକେଟ ପରିବର୍ତନ କରିବାକୁ ନାରା ଦେଇଥିଲେ । କିଛି ସମୟ ବୈଠକ ସ୍ଥଳୀରେ ହଟଗୋଳ ସହ ତୀବ୍ର ଉତ୍ତେଜନା ସୃଷ୍ଟି ହୋଇଥିଲା ।
