ବିଦ୍ରୋହୀଙ୍କ ଉପରେ ବର୍ଷିଲେ ସଞ୍ଜୟ ରାଉତ, କେତେଦିନ ଗୌହାଟୀରେ ଲୁଚିବ ବୋଲି କଲେ ପ୍ରଶ୍ନ

1 min read

ମୁମ୍ବାଇ: ମହାରାଷ୍ଟ୍ରରେ ଶିବସେନା ଦୁଇଫାଳ । ସରକାର ବଞ୍ଚାଇବାକୁ ଗୋଟିଚାଳନା କରୁଛନ୍ତି ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ତେବେ ଏହାରି ମଧ୍ୟରେ ବିଦ୍ରୋହୀ ବିଧାୟକଙ୍କୁ ଟାର୍ଗେଟ କରି ଟ୍ୱିଟ୍ କରିଛନ୍ତି ଶିବସେନାର ବରିଷ୍ଠ ନେତା ତଥା ମୁଖପାତ୍ର ସଞ୍ଜୟ ରାଉତ । କେତେଦିନ ଗୌହାଟୀରେ ଲୁଚିବ? ବୋଲି ପ୍ରଶ୍ନ କରିଛନ୍ତି ରାଉତ । ସେହିପରି ବାଲାସାହେବଙ୍କ ନାମରେ ଦଳ ଗଠନକୁ ନେଇ ବର୍ଷିଛନ୍ତି ଶିବସେନା ମୁଖପାତ୍ର । ଶିବସେନା ଦଳର ବାପାଙ୍କ ନାଁରେ ଦଳ ନ ଗଢ଼ିବାକୁ ଚେତାବନୀ ଦେଇଛନ୍ତି ।

ବାଲାସାହେବଙ୍କ ନାମ ବ୍ୟବହାର କରନି । ଉଦ୍ଧବ ଠାକରେ ଶିବସେନାର ମୁଖ୍ୟ । ଶିବ ସୈନିକଙ୍କର କେବଳ ଉଦ୍ଧବଙ୍କ ଉପରେ ଭରସା ରହିଛି । ସିନ୍ଦେ ଯଦି ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି ଜଣାନ୍ତୁ ବୋଲି କହିଛନ୍ତି ରାଉତ । ଗୌହାଟୀରେ ଲୁଚି ଥିବା ବିଧାୟକ ମୁମ୍ବାଇ ଆସିବା ପରେ ପ୍ରକୃତରେ କିଏ ବିଦ୍ରୋହୀ ସ୍ପଷ୍ଟ ହେବ ବୋଲି ରାଉତ କହିଛନ୍ତି । ୪୦ ବିଧାୟକଙ୍କୁ ବନ୍ଧକ କରି ରଖାଯାଇଛି । ମହାରାଷ୍ଟ୍ରରେ ଉଦ୍ଧବ ସରକାରକୁ କିଛି ବିପଦ ନାହିଁ ବୋଲି କହିଛନ୍ତି ସଞ୍ଜୟ ରାଉତ ।

 

About Post Author

[DISPLAY_ULTIMATE_SOCIAL_ICONS]