ବିଏମ୍ସିର ନଜର ଆଢୁଆଳରେ କେ-୭ ଏରିଆ, ବୃଦ୍ଧି ପାଉଛି ଅସାମାଜିକ ଲୋକଙ୍କ ଦୌରାତ୍ମ୍ୟ
1 min read
ଭୁବନେଶ୍ୱର: ଭୁବନେଶ୍ୱରର ଉପକଣ୍ଠରେ ରହିଛି କଳିଙ୍ଗନଗର। କଳିଙ୍ଗନଗର କେ-୭ ଅଞ୍ଚଳରେ ଦେଖିବାକୁ ମିଳିଛି ନୂଆ ସମସ୍ୟା। ଯାହା ସ୍ଥାନୀୟ ଲୋକଙ୍କ ଚିନ୍ତା ବଢାଇଛି। ବିଦ୍ୟୁତ୍ ଖୁଣ୍ଟରୁ ଲାଇଟ୍ ଚୋରୀ ଭଳି ଘଟଣା ଦେଖିବାକୁ ମିଳିଛି। ୨୦ରୁ ଅଧିକ ଖୁଣ୍ଟରେ ଲାଇଟ୍ ନଥିବା କାରଣରୁ ସମ୍ପୂର୍ଣ୍ଣ ଅଞ୍ଚଳ ଅନ୍ଧକାରମୟ। ଅନ୍ଧାରର ସୁଯୋଗ ନେଇ ସମ୍ପୃକ୍ତ ଅଞ୍ଚଳରେ ବଢିବାରେ ଲାଗିଛି ଅସାମାଜିକ ତତ୍ତ୍ୱଙ୍କ ଦୌରାତ୍ମ୍ୟ।
କେ-୭ ଏରିଆରେ ଅଧିକାଂଶ ବରିଷ୍ଠ ନାଗରିକ ବସବାସ କରୁଥିବାରୁ ସେମାନଙ୍କ ସୁରକ୍ଷାକୁ ନେଇ ଉଠିଛି ପ୍ରଶ୍ନ। ପୋଲିସ ପେଟ୍ରୋଲିଂ ଶୂନ। ବାରମ୍ବାର ଅଭିଯୋଗ ପରେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହୋଇଛି। ସମସ୍ୟାର ସମାଧାନ ପାଇଁ ଅଣ୍ଟା ଭିଡିଛନ୍ତି ସ୍ଥାନୀୟ ମହିଳା ସଙ୍ଗଠନ। ନିଜ ପାଣ୍ଠିରୁ ଷ୍ଟ୍ରିଟ ଲାଇଟ୍ ଲଗାଇବାକୁ ବାଧ୍ୟ ହୋଇଛନ୍ତି। ତେବେ ସମସ୍ୟାର ସ୍ଥାୟୀ ସମାଧାନ ପାଇଁ ଜରୁରୀ ବୈଠକ ପରେ ବିଡିଏ, ବିଏମ୍ସି ଓ ପୋଲିସ କମିଶନରଙ୍କ ଦ୍ୱାରସ୍ଥ ହେବାକୁ ନିଷ୍ପତ୍ତି ନେଇଛି ସଂଘ।
କଳିଙ୍ଗନଗର କେ-୭ ଇଲାକାରେ ବିଦ୍ୟୁତ୍ ଖୁଣ୍ଟରୁ ଲାଇଟ୍ ଚୋରୀ ଭଳି ଘଟଣା ଚିନ୍ତାର ବିଷୟ । ତୁରନ୍ତ ଘଟଣାର ତଦନ୍ତ କରାଯିବା ସହ ସମସ୍ୟାର ସମାଧାନ ଦିଗରେ ଆବଶ୍ୟକ ପଦକ୍ଷେପ ନିଆଯିବ । ତେବେ ବିଦ୍ୟୁତ୍ ଖୁଣ୍ଟରେ ନିଜସ୍ବ ଉଦ୍ୟମ ତଥା ନିଜସ୍ବ ପାଣ୍ଠିରେ ମହିଳା ସଙ୍ଗଠନ ପକ୍ଷରୁ ଲାଇଟ୍ ଲଗାଯାଇଥିବା ସମ୍ପର୍କରେ ସେ ଅବଗତ ନଥିବା କହିଛନ୍ତି ବିଏମ୍ସି ଅତିରିକ୍ତ କମିଶନର
