ରାଷ୍ଟ୍ରପତିଙ୍କ ମୋହର, ଜଷ୍ଟିସ୍ ବୋବଡେ ପରବର୍ତ୍ତୀ ପ୍ରଧାନ ବିଚାରପତି

ନୂଆଦିଲ୍ଲୀ : ସୁପ୍ରିମକୋର୍ଟର ବରିଷ୍ଠ ବିଚାରପତି ଜଷ୍ଟିସ ଶରଦ ଅରବିନ୍ଦ ବୋବଡ଼େ ଦେଶର ୪୭ତମ ପ୍ରଧାନ ବିଚାରପତି ଭାବେ ଶପଥ ଗ୍ରହଣ କରିବେ । ପ୍ରଧାନ ବିଚାରପତି ଭାବରେ ଜଷ୍ଚିସ ବୋବଡ଼େଙ୍କ ନିଯୁକ୍ତିକୁ ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜୁରି ଦେଇଛନ୍ତି । ନଭେମ୍ବର ୧୮ ତାରିଖରେ ବୋବଡ଼େ ସୁପ୍ରିମକୋର୍ଟର ପ୍ରଧାନ ବିଚାରପତି ଭାବେ ଶପଥ ଗ୍ରହଣ କରିବେ । ୨୦୨୧ ଏପ୍ରିଲ ୨୩ ତାରିଖ ପର୍ଯ୍ୟନ୍ତ ସେ ପ୍ରଧାନ ବିଚାରପତି ଦାୟିତ୍ୱରେ ରହିବେ ।

ବର୍ତ୍ତମାନର ପ୍ରଧାନ ବିଚାରପତି ଜଷ୍ଟିସ୍ ରଂଜନ ଗୋଗୋଇ ବୋବଡ଼େଙ୍କ ନାଁ ମୁଖ୍ୟ ବିଚାରପତି ପାଇଁ କିଛିଦିନ ତଳେ ସୁପାରିସ କରିଥିଲେ । ସୁପ୍ରିମକୋର୍ଟରେ ବୋବଡ଼େ ଦ୍ୱିତୀୟ ବରି‌ଷ୍ଠତମ ବିଚାରପତି ହୋଇଥିବାରୁ ପରବର୍ତ୍ତୀ ପ୍ରଧାନ ବିଚାରପତି ପାଇଁ ଗୋଗୋଇ ତାଙ୍କ ନାଁ କେନ୍ଦ୍ର ଆଇନ ବିଭାଗକୁ ସୁପାରିସ କରିଥିଲେ । ୨୦୦୦ ମସିହାରେ ଜଷ୍ଟିସ୍ ବୋବଡେ ବମ୍ବେ ହାଇକୋର୍ଟରେ ଅତିରିକ୍ତ ବିଚାରପତି ଭାବେ ନିଜର ବିଚାରପତି ଜୀବନ ଆରମ୍ଭ କରିଥିଲେ । ଏହାପରେ ଅକ୍ଟୋବର ୨୦୧୨ରେ ସେ ମଧ୍ୟପ୍ରଦେଶ ହାଇକୋର୍ଟର ମୁଖ୍ୟ ବିଚାରପତି ଭାବେ କାର୍ଯ୍ୟ ତୁଲାଇଥିଲେ । ୨୦୧୩ରେ ସେ ସୁପ୍ରିମକୋର୍ଟରେ ବିଚାରପତି ଭାବେ ଯୋଗଦେଇଥିଲେ । ମହାରାଷ୍ଟ୍ର ଜାତୀୟ ଆଇନ ବିଶ୍ୱବିଦ୍ୟାଳୟରୁ ସେ ଆଇନ୍ ପାଠ ଅଧ୍ୟୟନ କରିଛନ୍ତି । ')}

Leave a Reply

Your email address will not be published.