ହାଇଦ୍ରାବାଦ ଏନକାଉଣ୍ଟର ପରେ ପରେ ସୁପ୍ରିମକୋର୍ଟ ମୁଖ୍ୟ ବିଚାରପତିଙ୍କ ବଡ଼ ବୟାନ୍, କହିଲେ…
ନୂଆଦିଲ୍ଲୀ : ହାଇଦ୍ରାବାଦରେ ଡାକ୍ତରାଣୀଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାରେ ୪ ଅଭିଯୁକ୍ତଙ୍କୁ ପୋଲିସର ଏନକାଉଣ୍ଟର ପରେ ସାରା ଦେଶରେ ଭିନ୍ନ ଭିନ୍ନ ମତ ପ୍ରକାଶ ପାଉଛି । କେହି କେହି ଏହା ଠିକ୍ ହୋଇଛି ବୋଲି କହୁଥିବା ବେଳେ କେହି କେହି ଏହାକୁ ସମାଲୋଚନା କରୁଛନ୍ତି ।
ତେବେ ହାଇଦ୍ରାବାଦ ଘଟଣା ପରେ ପରେ ଆଜି ରାଜସ୍ଥାନର ଯୋଧପୁରର ଏକ କାର୍ଯ୍ୟକ୍ରମରେ ଯୋଗଦେଇ ବଡ଼ ବୟାନ୍ ଦେଇଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଶରଦ ଅରବିନ୍ଦ ବୋବଡେ । ପ୍ରଧାନ ବିଚାରପତି କହିଛନ୍ତି ଯେ, ନ୍ୟାୟିକ ପ୍ରକ୍ରିୟାରେ ତରବରିଆ ହେବା ଉଚିତ ନୁହେଁ । ତରବରିଆ ଭାବରେ ନ୍ୟାୟ ପ୍ରଦାନ କରିବା ବି ଠିକ୍ ନୁହେଁ । ଏହାବାଦ୍ ଯଦି ପ୍ରତିଶୋଧ ଭାବନା ରଖି ନ୍ୟାୟ ପ୍ରଦାନ କରାଯାଏ ତେବେ ତାକୁ ନ୍ୟାୟ ମଧ୍ୟ କୁହାଯିବ ନାହିଁ ।
