୪ ଶହ ବର୍ଷ ପରେ ପୃଥିବୀର ନିକଟତର ହେବେ ବୃହସ୍ପତି-ଶନି

ନୂଆଦିଲ୍ଲୀ: ପ୍ରାୟ ୪ ଶହ ବର୍ଷ ପରେ ପୃଥିବୀର ନିକଟତର ହେଉଛନ୍ତି ଦୁଇଟି ବିଶାଳ ଗ୍ରହ । ଡିସେମ୍ବର ୧୬ ତାରିଖରୁ ଆଶିଂକ ଦେଖାଯାଇ ୨୧ ତାରିଖ ସଂଧ୍ୟାରେ ଅଧାଚନ୍ଦ୍ର ଭଳି ଆକାଶରେ ଦେଖିବାକୁ ମିଳିବ । ଧିରେ ଧିରେ ପୃଥିବୀର ନିକଟତର ହେଉଛନ୍ତି ଏହି ୨ ଗ୍ରହ । ପ୍ରାୟ ୪ ଶହ ବର୍ଷ ପରେ ଦୁଇଟି ବିଶାଳ ଗ୍ରହ ବୃହସ୍ପତି ଓ ଶନି ଏକାଠି ହେବେ ।

ଡିସେମ୍ବର ୨୧ତାରିଖରେ ଏକ ସରଳରେଖାରେ ଦେଖିବାକୁ ମିଳିବ ଏହି ଦୃଶ୍ୟ । ୧୬ ତାରିଖରୁ ଆଶିଂକ ଦେଖାଯାଇ ୨୧ ତାରିଖ ଦିନ, ପଶ୍ଚିମ ଦିଗବଳୟରେ ଅଧାଚନ୍ଦ୍ର ଭଳି ଦୃଶ୍ୟମାନ ହେବ । ୧୬୨୩ ମସିହାରେ ଏହି ବିରଳ ଦୃଶ୍ୟ ଦେଖିବାକୁ ମିଳିଥିଲା । ୨୧ ତାରିଖ ସନ୍ଧ୍ୟାରେ ଏହି ଦୁଇଟି ଗ୍ରହ ଏକାସଙ୍ଗରେ ଦେଖାଯିବ, ଯାହାକି ଅତ୍ୟନ୍ତ ବିରଳ ।

ଅନ୍ୟ ତାରା ମାନଙ୍କଠାରୁ ବଡ ଦେଖାଯିବ । ବୃହସ୍ପତି ୨ୟ କିମ୍ୱା ୩ୟ ଉଜ୍ଜଳ ତାରା ଭଳି ଦେଖାଦେବେ । ସେହିଭଳି ଶନି ଫିକା ହଳଦିଆ ରଙ୍ଗର ଦେଖାଯିବେ । ତେବେ ଏହି ଦୃଶ୍ୟ ଅତ୍ୟନ୍ତ ବିରଳ ବୋଲି ବିଶେଷଜ୍ଞ କହିଛନ୍ତି ।