ଲାଞ୍ଚ ନେବାବେଳେ କନିଷ୍ଠ ଷ୍ଟେନୋଗ୍ରାଫରଙ୍କୁ ଧରିଲା ଭିଜିଲାନ୍ସ

ଭୁବନେଶ୍ୱର: ଦୁର୍ନୀତିଖୋର ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜାରି ରଖିଛି ଓଡ଼ିଶା ଭିଜିଲାନ୍ସ ବିଭାଗ । ଅଭିଯୋଗ ମିଳିବା କ୍ଷଣି କାର୍ଯ୍ୟାନୁଷ୍ଠାନ ନେଉଛି ଭିଜିଲାନ୍ସ । ଏହିକ୍ରମରେ ଭିଜିଲାନ୍ସ ଜାଲରେ ନୟାଗଡ଼ ଜିଲ୍ଲା ଟ୍ରେଜରୀ ଅଫିସର କନିଷ୍ଠ ଷ୍ଟେନୋଗ୍ରାଫର । ଲାଞ୍ଚ ନେବାବେଳେ କନିଷ୍ଠ ଷ୍ଟେନୋଗ୍ରାଫର ଦୁର୍ଗାପ୍ରସାଦ ମହାପାତ୍ରଙ୍କୁ ଧରିଛି ଭିଜିଲାନ୍ସ । ଅଭିଯୋଗକାରୀ ଶିକ୍ଷକଙ୍କଠାରୁ ୪୮୦୦୦ ଟଙ୍କା ନେବାବେଳେ ଧରିଛି ଭିଜିଲାନ୍ସ । ପରମାନେଣ୍ଟ ରିଟାୟରମେଣ୍ଟ ଆକାଉଣ୍ଟନ ନମ୍ବର (ପ୍ରାନ) ଖୋଲିଦେବାକୁ କହି ୧୬୧ ଜଣ ଶିକ୍ଷକଙ୍କଠାରୁ ୩୦୦ ଟଙ୍କା ଲେଖାଏଁ ମୋଟ୍ ୪୮ ହଜାର ଟଙ୍କା ନେଉଥିଲେ । ଲାଞ୍ଚ ଅର୍ଥକୁ ଜବତ କରାଯାଇଛି । ଏହି ମାମଲାରେ ଶ୍ରୀ ମହାପାତ୍ରଙ୍କ ଦୁଇଟି ସ୍ଥାନରେ ରେଡ୍ ଜାରି ରହିଛି । ଭୁବନେଶ୍ୱର ଭିଜିଲାନ୍ସ ପିଏସ୍ କେସ୍ ନଂ ୧୧/୨୦୨୩ ୟୁ/ଏସ୍-୭ପିସି (ଆମେଣ୍ଡମେଣ୍ଟ) ଆକ୍ଟ, ୨୦୧୮ ଆଧାରରେ ମାମଲା ରୁଜୁ କରାଯାଇଛି । ଅଭିଯୁକ୍ତ ଶ୍ରୀ ମହାପାତ୍ରଙ୍କ ବିରୋଧରେ ତଦନ୍ତ ଚାଲିଛି ।