ଭୁବନେଶ୍ୱର: ରବିବାର ବ୍ରୋଞ୍ଜ ମେଡାଲ ମ୍ୟାଚ ପାଇଁ କଳିଙ୍ଗର ବ୍ଲୁ ଟର୍ଫକୁ ଓହ୍ଲାଇଥିଲା ଟିମ୍ ଇଣ୍ଡିଆ । ଫ୍ରାନ୍ସକୁ ସହ ହୋଇଥିଲା ମୁକାବିଲା । ତେବେ ମ୍ୟାଚରେ ଫ୍ରାନ୍ସଠାରୁ ୩-୧ ଗୋଲରେ ପରଜାୟ ବରଣ କରିଛି ଭାରତ। ଏହି ପରାଜୟ ସହ ଚତୁର୍ଥ ସ୍ଥାନରେ ବିଶ୍ୱକପ ଅଭିଯାନ ଶେଷ କରିଛି ଟିମ୍ ଇଣ୍ଡିଆ । ଅନ୍ୟପକ୍ଷରେ ଫ୍ରାନ୍ସ ମ୍ୟାଚରେ ବିଜୟ ଲାଭ କରି ତୃତୀୟ ସ୍ଥାନରେ ବିଶ୍ୱକପ ଅଭିଯାନ ଶେଷ କରିଛି।
#RisingStars #RisingStars @TheHockeyIndia v @FF_Hockey Details https://t.co/IEP4stamFb pic.twitter.com/HiL0nBzSlt
— International Hockey Federation (@FIH_Hockey) December 5, 2021
ମ୍ୟାଚ ଆରମ୍ଭରୁ ହିଁ ଭାରତ ଉପରେ ଚାପ ସୃଷ୍ଟି କରିଥିଲା ଫ୍ରାନ୍ସ । ପୂରା ମ୍ୟାଚରେ ଫ୍ରାନ୍ସକୁ ୧୪ଟି ପେନାଲ୍ଟି କର୍ଣ୍ଣର ମିଳିଥିଲା, ଯେଉଁଥିରୁ ଫ୍ରାନ୍ସ ୩ଟି ଗୋଲ ସ୍କୋର କରିପାରିଥିଲା । ସମସ୍ତ ଗୋଲ ଫ୍ରାନ୍ସ ଅଧିନାୟକ କ୍ଲିମେଣ୍ଟ ତିମଥି ଦେଇଥିଲେ। ସେପଟେ ଭାରତର ଏକମାତ୍ର ଗୋଲ ୪୧ ମିନିଟରେ ଓଡ଼ିଆ ପୁଅ ସୁଦୀପ ଚିର୍ମାକୋଙ୍କ ଷ୍ଟିକରୁ ଆସିଥିଲା। ଭାରତକୁ ୩ଟି ପେନାଲ୍ଟି କର୍ଣ୍ଣର ମିଳିଥିଲେ ବି ଏହାକୁ ଗୋଲରେ ରୂପାନ୍ତରିତ କରିପାରିନଥିଲା ଟିମ୍ ଇଣ୍ଡିଆ ।
