ଜୁନିଅର ହକି ବିଶ୍ୱକପ: କ୍ଲାସିଫିକେସନ ମ୍ୟାଚରେ କାନାଡା, ଚିଲି ଓ ଦକ୍ଷିଣ ଆଫ୍ରିକା ବିଜୟୀ
1 min read
ଭୁବନେଶ୍ୱର: ପୁରୁଷ ଜୁନିଅର ହକି ବିଶ୍ୱକପରେ ଗୁରୁବାର ଖେଳାଯାଇଥିଲା କ୍ଲାସିଫିକେସନ ମ୍ୟାଚ । ଗୁରୁବାର ଚାରୋଟି ମ୍ୟାଚ ଖେଳାଯିବାରଥିଲା । ପ୍ରଥମ ମ୍ୟାଚରେ ମୁହାଁମୁହିଁ ହୋଇଥିଲେ କାନାଡା ଏବଂ ୟୁନାଇଟେଡ ଷ୍ଟେଟ୍ସ । ଏହି ମ୍ୟାଚକୁ ୪-୦ରେ ନିଜ ନାମରେ କରିଥିଲା କାନାଡା । ପ୍ରଥମ ମ୍ୟାଚରେ କାନାଡାର ଆଲେକଜେଣ୍ଡର ବାର୍ଡ଼ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ । ସେହିପରି ଭାବରେ ଆଜିର ଦ୍ୱିତୀୟ କ୍ଲାସିଫିକେସନ ମ୍ୟାଚରେ ମୁହାଁମୁହିଁ ହୋଇଥିଲେ ଇଜିପ୍ଟ ଓ ଚିଲି । ଏହି ମ୍ୟାଚକୁ ୧-୦ରେ ନିଜ ନାମରେ କରିଥିଲା ଚିଲି ।
#RisingStars #RisingStars @FieldHockeyCan v @USAFieldHockey Details https://t.co/D5Yxnh3dkt pic.twitter.com/BgokhvIhJ1
— International Hockey Federation (@FIH_Hockey) December 2, 2021
#RisingStars #RisingStars @chilehockeyV v #EGY Details https://t.co/ICSL8YimpT pic.twitter.com/g8ZofcDKWZ
— International Hockey Federation (@FIH_Hockey) December 2, 2021
#RisingStars #RisingStars @SA_Hockey v @PHFOfficial Details https://t.co/QZg1kOPN8h pic.twitter.com/qYWqGcsP4e
— International Hockey Federation (@FIH_Hockey) December 2, 2021
ସେହିପରି ଭାବରେ ତୃତୀୟ କ୍ଲାସିଫିକେସନ ମ୍ୟାଚରେ ମୁହାଁମୁହିଁ ହୋଇଥିଲେ ପାକିସ୍ତାନ ଏବଂ ଦକ୍ଷିଣ ଆଫ୍ରିକା । ଏହି ମ୍ୟାଚ ଆରମ୍ଭରୁ ଦକ୍ଷିଣ ଆଫ୍ରିକା ଉପରେ ଭାରି ପଡ଼ିଥିଲା ପାକିସ୍ତାନ । ଦ୍ୱିତୀୟ କ୍ୱାଟର ଶେଷ ସୁଦ୍ଧା ପାକିସ୍ତାନ ଦୁଇଟି ଗୋଲ ସ୍କୋର କରିଥିଲା । କିନ୍ତୁ ତୃତୀୟ କ୍ୱାଟର ପରେ ଦମଦାର ପ୍ରଦର୍ଶନ କରିଥିଲା ଦକ୍ଷିଣ ଆଫ୍ରିକା । ମ୍ୟାଚ ଶେଷ ହେବା ବେଳକୁ ଉଭୟ ଦଳ ୩-୩ ଗୋଲ ସ୍କୋର କରିଥିଲେ । ଯାହା ଫଳରେ ସୁଟ ଆଉଟ ହୋଇଥିଲା । ତେବେ ସୁଟ୍ ଆଉଟରେ ପାକିସ୍ତାନକୁ ୪-୧ରେ ପରାସ୍ତ କରିଥିଲା ଦକ୍ଷିଣ ଆଫ୍ରିକା । ଅନ୍ୟପକ୍ଷରେ ଶେଷ କ୍ଲାସିଫିକେସନ ମ୍ୟାଚରେ ମୁହାଁମୁହିଁ ହେବାକୁ ଯାଉଛନ୍ତି ପୋଲାଣ୍ଡ ଓ କୋରିଆ । ଏହି ମ୍ୟାଚ ଭାରତୀୟ ସମୟ ସନ୍ଧ୍ୟା ୭.୩୦ରେ କଳିଙ୍ଗ ଷ୍ଟାଡିୟମରେ ଖେଳାଯିବ ।
