ନନ୍ଦିଘୋଷ ବ୍ୟୁରୋ: ଆଜି ଡାକ୍ତରଙ୍କ ୧୨ ଘଣ୍ଟିଆ ଆନ୍ଦୋଳନ। କୋଲକାତା ଆରଜି କର ମେଡିକାଲ ଡାକ୍ତର ଦୁଷ୍କର୍ମ ଓ ହତ୍ୟା ଘଟଣାର ପ୍ରତିବାଦ କରି ଆନ୍ଦୋଳନ ଡାକରା ଦେଇଛି ଇଣ୍ଡିଆନ ମେଡିକାଲ ଆସୋସିଏସନ। ସକାଳ ୬ଟାରୁ ସଂଧ୍ଯା ୬ଟା ପର୍ଯ୍ୟନ୍ତ ଆନ୍ଦୋଳନ କରିବାକୁ ଡାକ୍ତର ସଂଘ ଆହ୍ଵାନ ଦେଇଥିଲା। ଗତ ଅକ୍ଟୋବର ୫ ତାରିଖରୁ ଡାକ୍ତର ସଂଘ ଆନ୍ଦୋଳନ ଡାକରା ଦେଇଛି। ୧୦ ଜଣ ଜୁନିୟର ଡାକ୍ତର ଆମରଣ ଅନଶନ ଜାରି ରଖିଛନ୍ତି।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ପ୍ରତିଶ୍ରୁତି ସତ୍ତ୍ବେ ଡାକ୍ତରଙ୍କ ଦାବି ପୂରଣ ହୋଇନାହି। କର୍ମସ୍ଥଳରେ ଡାକ୍ତରଙ୍କୁ ସୁରକ୍ଷା ଦାବି ଆନ୍ଦୋଳନ ଜାରି ରଖିଛନ୍ତି ଜୁନିୟର ଡାକ୍ତର ସଂଘ। ଡାକ୍ତରଙ୍କ ଦାବି ନେଇ ଆଉ କିଛି ମେଡିକାଲ କଲେଜର ସିିନିୟର ଡାକ୍ତର ମଧ୍ୟ ସମୂହ ଇସ୍ତଫା ଦେବାକୁ ଚେତାବନୀ ଦେଇଛନ୍ତି। ଏହି ଅଘଟଣ ପରଠାରୁ ଆଜି ପର୍ଯ୍ୟନ୍ତ ଜୁନିୟର ଡାକ୍ତରଙ୍କ ଆନ୍ଦୋଳନ ଜାରି ରହିଛି।
