ଯୁବକଙ୍କୁ ଗଳାକାଟି ହତ୍ୟା ଘଟଣାରେ ୧୨ ଗିରଫ

ସମ୍ବଲପୁର: ଜୁଜୁମରା ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର ଘଟଣାରେ ପୋଲିସକୁ ବଡ଼ ସଫଳତା ମିଳିଛି । ହତ୍ୟାକାଣ୍ଡରେ ସମ୍ପୃକ୍ତ ୧୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଜୁଜୁମୁରା ଥାନା ପୋଲିସ । ବାନ୍ଦେର ସଂରକ୍ଷିତ ଜଙ୍ଗଲରୁ ଶୁକ୍ରବାର ଧୋଲୋମୁଣ୍ତା ଗାଁର ନିଲାମ୍ଵର ବନଛୋରଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହ ଉଦ୍ଧାର ହୋଇଥିଲା । ପୋଲିସ ହତ୍ୟାକାଣ୍ଡର ପର୍ଦ୍ଦାଫାସ୍ କରିବା ସହ ୧୨ ଜଣଙ୍କୁ ଗିରଫ କରିଛି ।

ଜଙ୍ଗଲରେ ଜୀବଜନ୍ତୁଙ୍କ ଶିକାର ପାଇଁ ଅଭିଯୁକ୍ତମାନେ ବିଦ୍ୟୁତ୍ ତାର ବିଛାଇଥିଲେ । ଉକ୍ତ ତାର ସଂପ୍ସର୍ଶରେ ଚାଲି ଯାଇଥିଲା ନିଳାମ୍ବରଙ୍କ ଜୀବନ । ଏହାକୁ ଲୁଚାଇବାରୁ ଯାଇ ଅଭିଯୁକ୍ତମାନେ ନୀଳାମ୍ବରଙ୍କୁ ଧାରୁଆ ଅସ୍ତ୍ରରେ  ଆକ୍ରମଣ ପରେ ଗଳାକାଟି ଜଙ୍ଗଲକୁ ଫିଙ୍ଗି ଦେଇଥିବା ଅଭିଯୋଗ ହୋଇଥିଲା ।

ଅଭିଯୋଗ ପରେ ଶୁକ୍ରବାର ଠାରୁ ତଦନ୍ତ ଆରମ୍ଭ କରିଥିଲା ଜୁଜୁମୁରା ପୋଲିସ । ହତ୍ୟାକାଣ୍ଡରେ ସମ୍ପୃକ୍ତ ବ୍ରାହ୍ମଣୀପାଲିର ଗାଁର ୧୨ ଜଣଙ୍କୁ ପୋଲିସ ଗିରଫ କରିଥିବା ବେଳେ ଅନ୍ୟ ଜଣେ ଫେରାର ରହିଛି । ପୋଲିସି ଧାରା ୩୦୨/୨୦୧/୩୪ ଆଇପିସିରେ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ।