ମେଣ୍ଟ ହେବ କି ନାହିଁ, କାହାକୁ ଟିକେଟ ମିଳିବ ସବୁ ନିଷ୍ପତ୍ତି କେନ୍ଦ୍ର ନେବ: ଜୁଏଲ ଓରାମ
ନୂଆଦିଲ୍ଲୀ : ଦିଲ୍ଲୀରେ ଓଡ଼ିଶା ବିଜେପିର କୋର୍ କମିଟି ବୈଠକ ଶେଷ ହୋଇଛି। ବୈଠକ ସମ୍ପର୍କରେ ସାଂସଦ ଜୁଏଲ ଓରାମ ଦେଇଛନ୍ତି ସୂଚନା । ସେ କହିଛନ୍ତି, ବୈଠକରେ ସମସ୍ତ ସିଟ ଉପରେ ଆଲୋଚନା ହୋଇଛି । ରାଜନୈତିକ ସ୍ଥିତି ଉପରେ ଆଲୋଚନା ହୋଇଛି ।ମେଣ୍ଟ ଉପରେ ନିର୍ଦ୍ଦିଷ୍ଟ ଆଲୋଚନା ହୋଇନାହିଁ। ତେବେ ମେଣ୍ଟ ସମ୍ପର୍କରେ ଶେଷ ନିଷ୍ପତ୍ତି ଶୀର୍ଷ ନେତୃତ୍ୱ ନେବେ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ଅଧ୍ୟକ୍ଷତାରେ ବସିଥିଲା ଏହି ବୈଠକ।
କୋର୍ କମିଟିରେ ଥିବା ୧୮ ଜଣ ସଦସ୍ଯ ବୈଠକରେ ସାମିଲ ହୋଇଥିଲେ। ବୈଠକରେ ଗୃହମନ୍ତ୍ରୀ ଅମିତ ଶାହ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ବିନୀ ବୈଷ୍ଣବ ଉପସ୍ଥିତ ଥିବାବେଳେ ଓଡ଼ିଶା ବିଜେପି ସଭାପତି ମନମୋହନ ସାମଲ ଉପସ୍ଥିତ ଥିଲେ । ଏହା ସହ ପ୍ରଭାରୀ ବିଜୟପାଲ ସିଂହ ତୋମର ବି ଉପସ୍ଥିତ ଥିଲେ।
