ଜାମିନ ମଳିବା ପରେ ପ୍ରଚାରକୁ ଆସିଲେ ଜୁଏଲ୍: ଗୌରୀ ମୁଣ୍ଡାରୀ ପ୍ରସଂଗକୁ ଏଡ଼ାଇଗଲେ
ସୁନ୍ଦରଗଡ଼: ଆଗ ଲୁଚିଲେ, ଜାମିନ୍ ମିଳିବା ପରେ ପ୍ରଚାରକୁ ଆସିଲେ । ଗୌରୀ ମୁଣ୍ଡାରୀଙ୍କୁ ସୁନ୍ଦରଗଡ଼ ଵିଜେପି ସାଂସଦ ଜୁଏଲ ଓରାମଙ୍କ ଦୁର୍ବ୍ୟବହାର ମାମଲା ପରଠୁ ଜୁଏଲ୍ଙ୍କ ଦେଖା ମିଳିନଥିଲା । ଗତମାସ ୨୪ ତାରିଖରେ ଝିରପାଣି ଥାନାରେ ମାମଲା ରୁଜୁ ହେବା ପରଠୁ ୧୭ଦିନ ଧରି ଜୁଏଲ୍ ଗାଏବ ଥିଲେ । ବେଲ୍ ମିଳିବା ପରେ ପଞ୍ଚାୟତ ପ୍ରଚାର ମଇଦାନକୁ ଓହ୍ଲାଇଛନ୍ତି ସାଂସଦ ।
ତେବେ ମହିଳାଙ୍କୁ ସମ୍ମାନ ଦେଉନଥିବା ସାଂସଦ ଜୁଏଲ ଓରାମଙ୍କ ପ୍ରଚାରକୁ ମହିଳାମାନେ ଗ୍ରହଣ କରିବେ ନାହିଁ ବୋଲି ଗୈାରୀ ମୁଣ୍ଡାରୀ କହିଛନ୍ତି । ଗୌରୀଙ୍କ ସହ ସ୍ୱର ମିଳାଇଛନ୍ତି ଅନ୍ୟ ମହିଳା ସଂଗଠନ । ଜୁଏଲ୍ଙ୍କ ନାଁରେ ମାମଲା ରୁଜୁ ପରେ ବିଭିନ୍ନ ସ୍ଥାନରେ ଵିଜେପି ଜିଲ୍ଲା ପରିଷଦ ପ୍ରାର୍ଥୀ ବ୍ୟାନର, ପୋଷ୍ଟରରେ ନିଜ ସହ ସାଂସଦଙ୍କ ଫଟୋ ଲଗାଉନାହାନ୍ତି । ଜୁଏଲଙ୍କ ବଦଳରେ କେବଳ ପ୍ରଧାନମନ୍ତ୍ରୀଙ୍କ ସହ ନିଜ ଫଟୋ ଲଗାଉଛନ୍ତି । ସେପଟେ ଗୈାରୀ ମୁଣ୍ଡାରୀ ପ୍ରସଂଗ ଏଡ଼ାଇ ଯାଇଛନ୍ତି ଜୁଏଲ୍ । ନିର୍ବାଚନରେ ଵିଜେପି ଭଲ କରିବ ବୋଲି କହିଛନ୍ତି।
